Gleno – Ekipa Karketu Fc ho naran istimadu matak malirin, rekoñese derota ho Boavista iha Kopa Federasaun Futebol Timor Leste (FFTL), la’os istoria, tanba liga ho kopa la hanesan.
Tuir diretór tékniku Karketu Fc Elizio hateten, sira derota ho Boavista iha Kopa tinan ne’e, hanesan baibain, tanba ne’e Boavista atu muda istória liga nian sei defísil, maske Boavista konsege manan nia ekipa, maibé taxa 12 de Novembru sira sei iha prinsipiu hakat liu faze oitavu finais.
“Istória kopa no istoria liga la hanesan, Boavista atu muda iha jogu liga araska uitoan, tanba sira seidauk manan ami iha liga”. Hateten Hateten nia iha konfrénsia imprensa iha stadium munisipál kafé Ermera, Sabadu (17/10/2020).
Taxa 12 de Novembru Karketu sei mai ho ekipa ida ho kombinasun oin seluk ho jogadór sira ne’ebe durante covid-19 ne’e, saude komesa rekopera ona, Karketu sei apresenta jogadór sira sei kompletu di’ak liu tan iha jogu sira tuir mai.
Tanba ne’e, nia afirma tan, história kopa ho liga taxa 12 de Novembru sei araska uitoan, tanba ne’e derota ne’e hanesan jogu rekuperasaun ba jogadór sira.
“Ami la konsidera sira manan ami iha kopa FFTL, tanba kopa oinseluk liga oin seluk, tanba ami nia tarjeitu jogu la to’o oitavu finais, ida ne’e hanesan bainbain, tanba seidauk iha istoria”.
Nia dehan, jogu ba tinan ne’e sira uza jogadór rai laran, ne’ebé representa husi munisípiu sira hanesan, Maliana, Oecuse, Baucau, atu mai hodi kolabora tan ho jogadór junior sira hodi prepara ba jogu sira tuir mai.
Enkuantu nia promote, Karketu garante taxa 12 de Novembru sei hakat liu faze oitavu finais, tanba sei aumenta tan jogadór etranjeiru sira atu mai ajuda tan hodi kompete iha jogu sira tuir mai. (Vidal).
About Post Author
