Gleno – Diretor tékniku Karketu Fc, Elizio rekoñese derota ho Boavista Fc de Timor ho skor 0-1, tanba jogadór sira falla menus komunikasaun ba malu.
Tuir nia katak, iha jogu primeira parte sira falla iha liña defeza ninian, nune’e halo ekipa adversariu hodi produs golu, maibé hakat ba jogu sigundu parte sira mantein ritmu jogu hodi hetan de’it skor mihis husi ekipa adversáriu.
“Ami lakon iha konsetrasaun jogu iha primeira parte, lina defeza ninian, maibé jogador sira joga di’ak, hodi halo jogu ida kompetitivu tebes”.
Hateten nia iha konfrénsia imprensa iha stadium munisipál kafé Ermera, Sabadu (17/10/2020).
Elisizio mos deklara, antes ne’e sira la iha tarjetu ruma atu hakat liu faze oitavu finais ninian, maibé ida ne’e hanesan faze jogu rekoperasaun ba jogadór sira hodi prepara diak liu tan ba oin.
Nia afirma, maske sira derota iha jogu kopa FFTL tinan ne’e, maibé nia fiar taxa 12 de Novembru sira sei hakat liu bareira faze oitavu finais.
“Ohin iha kopa ami sai ho 0-1, tan ne’e parabens ba Boavista, maibé ba jogu sira tuir mai hanesan taxa 12 de Novembru, Matak Malirin sei mai ho ekipa ida sei forti liu tan.
Enkuantu kapitaun Matak Malirin, Jorge Sabas mos dehan tan, jogu entre Boavista hanesan jogu kompetitivu hodi promove jogador sira ba futuru.
“Jogu ida ne’e hanesan rekopera jogadór sira, tanba ne’e Karketu sei la hakru’uk ba ekipa ne’ebe de’it, ne’ebé sira atu manan ami mós hasai kosar lotuk”.
Kapitaun ne’e mos dehan, bainhira Edit Xavio tama beibeik ba sira nia lina defeza oin tanba aproveita sira nia bola aas no fallansu balun, tan ne’e hakat ba jogu segundu parte sira kaer metin nia atu labele sobu lina defeza Karketu nian. (Vidal).
About Post Author
