DILI – Karketu Dili FC ho naran istimadu Matak Malirin impresta jogador nain tolu (3) husi Boavista Fc de Timor mak hanesan, baliza Rama, Defeza Nelson Viegas no Nobelitu.
Hafoin Boavista Fc de Timor desidi hodi la partisipa iha jogu Liga Fútebol Timor Leste (LFTL) primeiru divizaun epoka 2021, LFTL fo dalan ba klubu primeiru divizaun sira atu rekruta hikas jogador husi klubu refere.
Tanbá ne’e prezidente Karketu Dili Fc Jose Adilson Ribero hatete, depois de orgaun LFTL desidi katak Boavista la partisipa iha epoka tinan ne’e, ami nia estrutura Karketu kontaktu kedas manajer Boavista hodi husu impresta jogador.
“Ho akordu ne’ebé ami halo ho Boavista atu husu jogador Mouzinho da Lima, Johon Fryed no Nobel, maibé desizaun ne’e sai fali husi Boavista katak jogador nain rua (2) desidi fila ba Ad SLB, tanbá ne’e sira konsege oferese jogador nain tolo (3)” dehan Jose Adilson ba Desportu.XYZ iha kampu demokrasia foin lalais ne’e.
Nia informa, Karketu laos rekruta deit jogador lokal, maibé ami mos rekruta jogador estranjeiru nain tolu (3) mak hanesan, Patrick husi Brazil no joga iha liga Indonezia, Marcelo husi Neterland no jogador Boateng.
Jogador nain rua (2) ne’e sei to’o iha Timor iha loron 6 fulan Novembro tinan ne’e hodi reforsa Karketu iha epoka 2021.
“Ami hakarak hatete deit katak jogu epoka ida ne’e ho kompetetivu ho klubu 7 deit mak tuir no klubu ida tenki tun ba degraduasaun, tanbá ne’e Karketu preparadu tebes hodi sai kampiaun iha tinan ne’e (Eu).
About Post Author
 premeru devizaun epoka 2021,LFTL fo dalan ba klubu premeru devizaun sira atu rekruta hikas jogador husi klubu refere.){kind=link}