Dili- Treinadór Fc Portu Taibesi José Monis konsidera árbitu Pedro Maia mak estraga jogu entre Portu Tabesi no Acádemica Fc tanba ninia desizaun ba penalidade la konsistente.
“Bainhira bola falta nia hú árbitu dehan ba penalti, maibé ikus nia “anula” (kansela) fila fali”. Hateten treinadór ne’e ba jornalista sira hafoin jogu remata iha stadium Munisipal Dili, Sexta (29/10).
Tuir nia katak, jogu entre ekipa rua furak no harame tebes adeptus sira, maibé fallansu bot ida husi arbitrajen sira, tanba naran foti desizaun ba bola falta.
Treinadór ne’e mós hatutan, sira sei halo karta rekursu ida atu husu ba arbitrajen sira atu hadi’a sira nia fallansu.
Ita tenki halo karta rekursu ida, selae ita nia futeból mak nafatin hanesan ne’e. dehan nia.
Nia mós iha esperansa katak, nia ekipa sei tama iha final hodi hakat ba primeira divizaun.
Aleim ne’e mós kapitaun Fc Portu Taibesi, Eusebio de Almeida fó agradese ba ekipa jogadór sira tanba bele hatudu jogu ne’ebé di’ak tebes, no bele halo impata 4-4.
Rejultadu ohin ne’e bele fó oportunidade ida ba ami atu avansa tan ba oin, maibé jogu tuir mai ami mós tenki esforsu maka’as.
Kapitaun Fc Portu Taibesi ne’e mós iha esperansa bot ba nia ekipa bele tama to’o final.
Ami sei hadia falansu ne’ebé iha, no hau nia esperansa ami sei manan fitun Estudante Fc iha jogu ikus.
Entretantu, treinadór Acádemica Fc Luzinho dos Santos mos informa, nia parte kontente tebes ho rejultadu impata entre ekipa rua ho skor 4-4.
Nia mos promote, ba oin sei prepara di’ak liu tan, nune’e bele rekolla tan pontus tolu husi Zebra Fc.
Acádemica nafatin lidera provizoriu iha primeira tabela klasifikasaun grupu A ho pontus 7 no sura golu +4 no Fc Portu Taibesi okupa iha segundu tabela klasifikasaun ho pontus 7 no sura golu +3 no Zebra Fc okupa iha terseru tabela klasifikasaun ho pontus 4 no sura golu +1.
Entre ekipa tolu se loos mak sei okupa iha primeira no segundu iha tabela klasifikasaun grupu A hodi hakat ba quartu finais, tanba ekipa rua hetan pontus hanesan no Zebra Fc sei iha oportunidade, karik iha jogu ikus rekolla tan pontus 3. Atu deside ekipa rua hodi hakat ba jogu quartu finais iha jogu ikus mak sei determina, no sei hare pontus no had to had.
About Post Author
