Dili – Amante Futebol husu Federasaun Futebol Timor Leste FFTL Tenki selu jogador selesaun nasionál TL sira nia dereitu ne’ebé mak durante ne’e jogador sira kumpri ona dever hodi bá kompete iha jogu Internasional.sei karik mak la selu,jogador sira bele hato Keixa bá FIFA.
Antes ne’e jogador ekipa selesaun nasionál Sub 23 ne’ebé mak bá kumpri ona sira nia dever hodi bá kompete iha eventu Sea Games tinan ne’e iha Veitnam no trening Camp iha nasaun Doha Qatar no hala’o jogu amigavel kontra Nepal no Camboja.
Maibé to’o agora FFTL seidauk selu sira nia osan tuir akordo ne’ebé FFTL halo ho sira antes ne’e.
Orsamentu ne’ebé mak FFTL seidauk prosesu bá jogador sira nian jogu mak hanesan,tuir informasaun Kada jogu jogador hetan $ 500 bá jogador ida,bonus no orsamentu premeu ne’ebé foin lalais ekipa selesaun nasionál Sub 23 hetan terseru lugar bá jogu AFF U-23 iha Camboja tinan ne’e.
Tuir Amante Futebol Iduk Vicente hateten,relasiona ho FFTL sei deve hela Dereitu jogador nian iha fulan Juñu 2022, FFTL mós hasai deklarasaun katak,sei hala’o pagamentu dentru fulan Jullu nia laran,no fim realidade iha ne’ebé.ne’e somente atu hatudu de’it katak sira la profesional no laiha responsablidade.
“Ne’e duni ha’u enkoraja jogador atu halo keixa liu husi invia Karta reklamasaun bá FIFA hodi toma konsiderasaun atu bele iha prosesa tuir Prosedimentus legais”tenik Amante Futebol Vicente bá Desportu XYZ liu husi Via Whatsaap segunda ne’e.
Entertantu,tuir informasaun FFTL bolu ona jogador sira katak,fulan Outubro FFTL sei halo ona pagamentu bá jogador selesaun nasionál sira.
About Post Author
