Dili-klube 13 kompostu husi Mane 13 no feto hamutuk 9 tuir kompetisaun Voleibol movimentu Juventude Mudansa Cup I hodi komemora konsulta populár 30 de Agostu bá dala 23.
Tuir prezidenti komisaun organizadora Voleibol Leonardo Benigno Tilman hateten, kompetisaun ida ne’e realiza hodi komemora loron konsulta populár 30 de Agostu bá 23.
“Liu husi loron konsulta populár ida ne’e movimentu Juventude mudansa Timor Leste iha vontade no interese hodi realiza kompetisaun Voleibol iha nasionál tinan ne’e” tenik Prezidenti komisaun organizadora bá jornalista iha Genajio Dili sabadu (24/09)
Nia haktuir, atividade ida ne’e hahu ohin no sei remata iha loron 10 fulan Outubro tinan ne’e.
“Kompetisaun refere hetan apoiu fundus masimu husi konseleru Movimentu Juventude Mudansa TL Recardo Cardozu Neu” haklaken Leonardo
Eventu ida ne’e ho nia objetivu atu hametin ambiente foun no esperitu bá juven sira hodi tane valor ukun A’an rasik no mós hasai talentu Juventude sira nian liu husi Desportu Voleibol.
Iha fatin hanesan prezidente Movimentu Juventude mudansa TL Recardo Cardozu Neu afirma, ha’u kontente tebes Juventude sira nia Partisipasaun iha eventu ida ne’e tanba eventu ne’e importante tebes la’o bá de’it Futebol,Basketbol,maibé iha mós Voleibol.
Timor Leste perzisa eventu hanesan barak tanba juven sira bele hatudu sira nia talenta tuir saida mak sira nia hakarak.
“Voleibol importante, maske ohin ema oituan maibé ha’u fiar katak tinan oin mai sei aumenta”
Nia sublina, mudansa Cup ida ne’e, ha’u ho kolega sira sei apoiu makas bá Kompetisaun Voleibol ida ne’e tanba Desportu Voleibol importante bá rai ida ne’e.
Reprezenta Federasaun Voleibol Timor-Leste Candidu da Costa mensiona, Federasaun sempre apoiu nafatin tekniku bá kualker eventu Iha ne’ebé de’it.
“Ha’u juzere bá komisaun organizadora katak,sei bele eventu ida ne’e bele halao to’o Munisípiu tanba eventu refere hala’o tinan-tinan tanba Federasaun kria ona Arbritazen iha Munisípiu hotu”
Enkuantu, eventu Ida ne’e premeru lugar hetan $ 350.00 segundu lugar $ 250.00, terseru lugar $ 200.00 no kuartu lugar $ 150.00
Entertantu, klube ne’ebé mak Partesipa iha eventu Mudansa Cup I tinan ne’e hamutuk 13.
About Post Author
