DILI – Jogadór Zebra-FC Jerónimo Soares hatete derota kontra Assalam iha jogu da ruak copa Federasaun Futebol Timor Leste (Kopa FFTL 2020) iha grupu A, tanba treindór laiha estratejia di’ak atu aplika iha jogu.
Tuir Jeronimo katak iha jogu permera parte jogu foin hahú 3 minutu zebra konsege hatama ona golu ida ba rede Assalam ne’e hatudu katak jogadór sira jogadór di’ak duni.
“Ami hetan derrota bo’ot 1-5 iha jogu da ruak kontra Assalam ne’e failansu mai trenador tanbà estratejia ne’ebè mak trenador uza iha kampu laran ladun diak,”deklara Jeronimo Soares ba jornalista iha estádiu munisipál Dili, kinta (11/09).
Nia relata, jogador sira ho trenador laiha kordenasaun di’ak hodi troka jogadór arbiru hodi fò impaktu ba jogu iha kampu laran.
“Ha’u lori jogadór Zebra hotu atu hato korajen ba trenador Rogero Mok hanesan ami nia aman ida atu hadia failansu ne’ebè mak nia hala’o hodi jogu tuir mai labele halo sala beibeik,” tenik jogadór ne’e ho diplomasia.
Kapitaun ekipa Zebra haktuir sei trenadór mai ho estrajia hanesan ne’e nafatin Zebra sei la hetan rezultadu di’ak tanba sei iha jogu Liga Futebol Timor Leste (LFTL).
Fó hanoin katak ekipa Zebra hala’o jogu dahuluk hetan derota kontra Lalenok no jogu da ruak simu tan derota husi Assalam halo Zebra fc tur iha pozisaun ikus liu ho pontos 0 grupu A. (Eugenio)
About Post Author
