Dili – Jogu Kompetisaun ba datoluk, ekipa Assalam tenki rekolla fila fali pontu tolu hafoin halakon Zebra FC, ba Copa FFTL tinan ne’e.
Tuir treinadór Assalam FC Gaspar Quintão hateten, nia ekipa maske manan ekipa Zebra, maibé nia parte konsidera ekipa adversáriu joga di’ak tan ne’e sira manan mós hanesan sorte.
“Jogu rua ohin di’ak hotu soke sorte mak liu ba Assalam hodi lidera golu manan ekipa adversáriu”. Hateten treinadór ne’e iha fatin konferensia stadium Munísipal Dili-Kinta (10/09/2020).
Tanba ne’e treinadór ne’e afirma, vitória dalarua ne’e fó biban nia ekipa bele tama iha ba faze 8 finais.
“Maske vitória dala rua, maibé jogu sei naruk ba ami”. Nia afirma.
Enkuantu treinadór promete tan, ba oin nia ekipa kontinua prepara, nune’e jogu tuir mai bele hetan tan rejultadu di’ak.
Ekipa Assalam, daudaun ne’e hetan tan pontu neen iha grupu A. (Vidal).
About Post Author
