DILI – Iha janela trasnferensia 2021 ne’ebé loke desde inisiu fulan Janeiru 202, jogador prinsipal nain tolu husi SLB hanesan Mozinho da Lima, Jhon Friths no Bakayoka, muda ba Boavista, kapitaun AD SLB Nidio Alves katak sei la fo impaktu ba iha jogu Liga Futebol Timor Leste 2021
SLB sei iha jogador junior sira ne’ebé iha preparasaun diak hodi bele kompete tan ho ami senior balun atu haforsa SLB iha Liga ne’ebé mak sei hala’o iha tempu badak.
“Ha’u mos senti klubu SLB nia frakeza iha Liga tinan ne’e tanba jogador junior sira ne’ebe mak ho idade ki’ik dala ruma seidauk iha mentalidade atu hala’o jogu” relata Nidio ba Desportu.XYZ iha kampu demokrasia Sesta (15/01)
Nia dehan SLB iha jogador junior barak maibe jogador sira ne’e sei lori impaktu mihis ba Makikit Laulara tanba ho idade ki’ik seidauk iha mentalidade atu hala’o jogu hanesan jogador senior sira ne’ebe mak muda ona ba klubu seluk.
Konaba klubu AD SLB nia planu atu rekruta jogador estranjeiru no jogador lokal iha janela tranferensia 2021, seidauk iha informasaun tanbà jestor klubu mak bele fò sai informasaun refere. (Eug)
About Post Author
