DILI – Treinador Aitana-FC, João Sousa hatete ho rezultadu 4-2 kontra Akademika fc iha grupu C copa Federasaun Futebol Timor Leste FFTL Aitana sei fiar hakat ba 8 finais.
Aitana hanesan ekipa ida foin mak promovidu husi segundu divizaun ba premeru divizaun hodi mai compete iha tinan ne’e iha Liga Futebol Timor Leste LFTL.
Iha jogu primeiru grupu C Aitana fc la konsege hetan vitoria kontra ekipa segundu divizaun Portu Taibesi hafoin derota 5-0.
“Ohin Aitana hetan fali pontos tres husi Akademia Fc,ho resultadu ne’e ami iha esperansa sei hakat ba 8 finais,” deklara João Sousa ba jornalista iha estádiu munisipál Dili domingu (06/09).
Nia dehan hafoin hetan derota iha jogu premeru konttra Portu Taibesi, sira foti fali failansu hodi estuda fali ikus mai iha segundu Aitana konsege foti fali Pontos tres husi Akaddemia.
“Hau apresia ho jogador Aitana FC tanba sira konsege halo tuir duni buat ne’ebé mak treinadór hanorin durante iha tratamentu sira aplika duni iha jogu ohin kontra Akademia,” apresia ofisial ne’e.
“Maibé ida ne’e la’ós jogu hotu ohin tanba Aitana sei iha jogu rua tuir mai tanba ne’e ha’u sei hadi’a fallansu uitoan iha parte médiu no avansadu.(Eugenio)
About Post Author
