DILI – Iha loron 26 fulan Janeru tinan 2022,Comite Eletoral no Comite Judisiariu Federasaun Fútebol Timor Leste (FFTL) anunsio ona kandidatu nain 3 ne’ebé mak prense ona rekezitu hodi konkore ba prezidenti foun periudu 2022-2026 ne’ebé sei realiza iha loron 26 fulan Fevereiru tinan ne’e.
No mos komite eletoral no judisiariu FFTL anunsio abertrua kampañia ba kandidatu nain 3 hanesan Francisco Martins da C.P Jeronimu,Francisco Kalbuadi Lay no Nilton Telmo Gusmão hahu ohin bele halo ona kampania to iha loron 25 fulan Fevereiru 2022.
Tuir porta vos Virna Lorensa de Carvalho hatete,FFTL liuhusi comite eletoral anunsia tiha ona prazu submisaun kandidatura hahu iha loron 25 Novembru 2021 to’o loron 12 Janeru 2022 no verifikasaun bazeia ba rekezitu kandidatu komite ezekutivvu foun ne’ebé afirma iha estatutu FFTL Art.37 no kodigu elecoral Art.11.
“husi resultadu verifikasaun maka Komite Eletoral no Komite Judisiariu anunsia ba publiku katak,kandidatu 3 ne’e priense ona rekezitu no pronto konkore ba komite ezekutivu foun ba periudu 2022-2026”relata portavos ba jornalista sira liu husi komunikadu Inprensa iha sede FFTL kuarta (26/01)
Kandidatu ba prezidenti FFTL tinan ne’e mak hanesan,kandidatu ne’ebé propoin husi asosiasaun tolu mak Francisco Kalbuadi Lay eis prezidenti FFTL no mos atual vice prezidenti Asean Football Federation no prezidenti komite AFF.
Kandidatu segundu propoin husi asosiasaun ida mak Francisco Martins da C.P Jeronimu atual prezidenti FFTL no menbru komite Finansas AFF.
No kandidatu ne’ebé propoin husi asosiasaun ida mak Nilton Telmo Gusmão dos Santos atual prezidenti Liga Fútebol Timor Leste (LFTL).
Nia haktuir,kandidatu ba kargu vice prezidenti FFTL hanesan,Domingos Raul “Falur Rate Laek”atual vice prezidenti FFTL no Aleixu da Silva “Cobra” atual vice prezidenti FFTL no ba kargu menbru ezekutivu feto Engracia Pimentel Fernandes sekretario Jeral asosiasaun Fútebol Femenino no Maria Terezinha Viegas atual menbru ezekutivu”
Ba kargu membru ezekutivu,Maritu Belo prezidenti Asosiasaun Fútebol Baucau,Henrique da Costa,atual menbru ezekutivu FFTL no prezidenti Asosiasaun Fútsal Timor Leste,Faustinu G.G.da Costa atual membru ezekutivu FFTL,Augostu Henrique husi Asosiasaun Fútebol Manufahi,Angelu Lopes Asosiasaun Fútebol Lauten,Anicetu Gouve “Berlel”asosiasaun Arbitrajen,Ipolitu Soares Prezidenti Asosisaun Fútebol Dili Oeste,Ricardino S.dos Reis Asosiasaun Fútebol Aileu.
About Post Author
