DILI-Federasaun Natasaun Timor Leste (FNTL) desidi ona atleta na’in 3 kompostu husi feto ida no mane rua atu ba partisipa iha eventu Sea Games ne’ebé mak sei hala’o iha Hanoi Vietnam fulan Maio tinan ne’e.
Atleta nain 3 ne’ebé mak atu ba partisipa iha eventu Sea Games tinan ne’e hanesan, Jose João, Imelda Felecita Xemenis Belo no Jolanico.
Prezidenti FNTL Laurentinu Guterres hatete, Federasaun Natasaun prepara ona atleta na’in 3 feto ida no mane rua, maibé atu halo preparasaun ba atleta sira ne’e fatin laiha.
“atleta na’in 3 ne’e federasaun foti husi kompetisaun ne’ebé mak hala’o iha Baucau ho atleta na’in 4, maibé ida ita labele lori tanbá bazea ba orsamentu ne’ebé governu liu husi Sekretario Estadu Juventude no Desportu (SEJD) preve” relata Laurentinu ba jornalista iha salaun CDTL segunda (24/01)
Nia haktuir, federasaun sei tenta koalia ho Hotel Golgota no mos Hotel Timor Lod, tanbá atleta na’in 3 ne’e eskola iha Dili entaun ita buka fatin sira ne’e hodi halo preparasaun tenki diak.
“Dezafiu ida mai ami mak, kuandu ita nia atleta sira ba halo preparasaun ne’e tenki selu pesina, tanbá ne’e mak sae defikuldade bo’ot”
Laurentinu haklaken, atleta na’in 3 ne’e kuaze ba partisipa ona iha eventu internasional hanesan, atleta na’in 2 partisipa ona iha jogu Olimpic no na’in ida baibain partisipa hela deit iha eventu internasional.
About Post Author
