DILI-ho golu ida husi jogador Elvis da Silva lori Atletico Ultramar hakat ba primeiru (Dahuluk) divizaun iha tinan oin,hafoin halakon Santa Cruz fc ho eskor 1-0 iha jogu Dahat Liga Fútebol Timor Leste (LFTL).
Jogu Atletico Ultramar kontra Santa Cruz hala’o iha Estadio Munisipal Dili Kinta Feira Ne’e (04/11)
Jogu hahu ekipa rua mai ho tatika deferenti, Atletico Ultramar hala’o jogu ho bola as, enkuantu Santa Cruz hatudu jogu kalma ho bola ain ba ain hodi buka oportunidade ba malu atu hodi hetan golu.
Tama ba minutu 17 (Sanulu Resin Hitu) jogador Nelson da Silva hurlele guarda rede Santa Cruz Marcio das Dores,hafoin aproveita bola husi Florindu Soares iha lina penalidade kotuk hodi hasai eskor ba 1-0.
Ho eskor ne’e halo Santa Cruz nia jogu kontinua ho presaun hodi halo deveza Atletico Ultramar tenki servisu maka’as hodi tahan sira nia rede.
Iha minutu balun jogador Danilo Menezez lansa suta falta iha lina penalidae kotuk,maibé bola ne’ebé mak nia suta sei salva husi guarda rede Cesar de Jesus.
Sorte a’at akontese ba Atletico Ultramar tenki hasai avansadu Albertinho Ribeiru ne’ebé mak hetan aleza iha ain hodi subtitui fali jogador Arsenio Amaral hodi reforsa fila fali iha mediu atakante.
Iha mudansa ne’e halo Atletico Ultramar nia lina oin tenki monu, tanbá treinador Moises da Silva uza tatika hodi tahan hotu iha lina deveza to jogu termina primeira parte ka parte Dahuluk nian.
Hakat ba Segunda parte, arbitu Francisco Pereira tenki duni sai jogador Atletico Ultramar Jaserlito de Jesus ho kartaun mean,hafoin tebe jogador Santa Cruz Jacintu da Silva.
Hela de’it jogador na’in 9 halo Santa Cruz buka oportunidade ne’ebé mak iha hodi fo ameasa fila-fila ba guarda rede Cesar de Jesus liu husi jogador Liborio Jeronimu no Alitu da Cruz, maibé seidauk iha resultadu diak ba sira nia ekipa to jogu remata.
Resultadu ne’e lori Atletico Ultramar hetan pontus 10 husi jogu dala ha’at manan tolu inpata ida hodi halo Atletico Ultramar hakat ba primeiru (Dahuluk) devizaun iha tinan oin, enkuantu Santa Cruz ho pontus 6.
About Post Author
 jogador Nelson da Silva hurlele guarda rede Santa Cruz Marcio das Dores,hafoin aproveita bola husi Florindu Soares iha lina penalidade kotuk hodi hasai eskor ba 1-0.){kind=link}