Aleixo Cobra Lidera Nafatin AFDL To’o Periodu 2021-2025

November 5, 2021

502 views

DILI-prezidenti Asosiasaun Fútebol Dili Leste (AFDL) Aleixo Cobra lidera nafatin Asosiasaun ne’e to’o periodu 2021-2025, hafoin Kandidatu a’an hanesan pakote uniku iha segundu kongresu ne’ebé hala’o iha salaun Luz Caritas sesta (05/11)

Klubu ne’ebé mak partisipa iha sesgundu kongresu AFDL hamutuk 17 no tolu mak la partisipa. sira ne’ebé partisipa hanesan,Calvario fc, Leste United fc, Maranatha fc, Maroni fc, Senofa fc, EBC Farol,Vila Atauro fc, Arbitrazen,LCR fc ,Dili Leste fc, Curacão fc, Santa Cruz fc, Maria Auxiladora fc no Portu Taibesi.

Tuir prezidenti AFDL Aleixo Cobra hateten, antes atu hala’o segundu kongresu AFDL nian, ami fo sai ona iha fulan nen (6) ba kotuk katak klubu ne’ebé mak hola parte iha AFDL bele mai rejistu hodi kompete iha kongresu refere.

maibé to’o ikus laiha ida mak mai rejistu no prezidenti klubu sira dehan mai hau katak ita bo’ot lori lai ba, tanbá ami seidauk preparadu.

“planu periodade ba tinan ha’at (4) nian liu-liu mak infraestrutura hanesan kampu,tanbá ami identifika ona kampu tolu (3) sai alternativa AFDL atu halo” dehan Cobra ba jornalista sira hafoin remata segundu kongresu iha Otel Luz Caritas.

Nia haktuir, kuandu iha ona kampu ita bele halo atividade barak,tanbá ne’e mak durante tinan sanulu resin (10) hau simu hela karugu hau labele halo treinamentu no labele halo kompetisaun.

Tanbá ne’e ami identifika ona kampu rua iha AFDL hanesan ida iha Becora no ida hola parte igreja nian, maibé ami buka meus oinsa koalia ho governu liu husi Sekretario Estadu Juventude Desportu (SEJD) no autoridade local sira aseita ona. Hau prontu atu responsabliza hodi hadia kampu refere.

Cobra Afirma “Tuir lolos prezidenti Federasaun Fútebol Timor Leste (FFTL) mak buka osan fo ba Asosiasaun sira,maibé FFTL lao dolar hela ami tenki esforsu duni atu hadi’a kampu ida ba AFDL”.

Entertantu iha segundu kongresu ne’e Prezidenti Aleixo Cobra hetan votu sanulu resin tolu (13) no klubu ha’at mak lapartisipa.