Dili-Fitun Estudante Fc lakon pontu 3 husi AS Marca ho skor 0-1 iha jogu jornada datoluk Liga Futeból Timor Leste (LFTL), segunda divizaun.
Tuir tabela klasifikasaun grupu A, ekipa dahuluk lideradu mak Académica ho pontu 7 no sura golu +4, Portu Tabesi ho pontu 7 ho golu +3, Zebra ho pontu 2 no golu +2, no Fitun Estudante hetan pontu 1 no golu +1, no AS Marca pontu 0.
Maibé iha jogu jornada datoluk, Fitun Estudante kontra AS Marca lakon fila pontu 3, nune’e AS Marca tenki foti fila pontu 3.
Treinadór As Marca Edwin Belo hateten, nia agradese tanba sira bele rekolla hikas pontu 3 husi ekipa adversáriu iha jogu jornada datoluk ne’e.
“Ohin ami esforsu maka’as hodi hatama golu ida ba Fitun Estudan, hodi hetan pontu 3”. Hateten treinadór ne’e iha stadium Munisipal Dili, Sexta (05/11).
Treinadór ne’e mos promete, sei prepara di’ak liu tan, atu hasoru jogu sira tuir mai.
Nune’e mos kapitaun Fitun Estudante Bernardino Baz sente triste tebes, tanba sira lakon ho AS Marca.
Hanesan kapitaun ekipa, sente triste tanba bele lakon ho As Marca iha jogu datoluk ho skor 0-1.Dehan nian. Tuir nia katak, lolos sira mós iha oportunidade atu hadau malu ho ekipa seluk, iha tabela klasifikasaun grupu A, maibé sorte ba sira laiha ona.
About Post Author
