DILI-trenador Lalenok United Gaspar Amaral hateten,ami rekonese Ad SLB Laulara hanesan ekipa ida forte liu, tanbá ne’e iha jogu aban sira sei halo Lalenok terus iha kampu laran.
“baibain ha’u dehan ona sempre preparadu ba ekipa ne’ebé deit,maibé ekipa Ad SLB hanesan ekipa ida forte liu ami labele nega. tanbá jogu aban sira sei halo terus ami nia ekipa iha kampu laran” afirma Gaspar ba jornalista sira iha Xanana Sport Senter sesta (17/12)
Nia haklaken, kestaun ida ne’e ami sei esforsu makas hodi hetan pontos tolu iha jogu aban hodi bele hetan dalan ba kampiaun.
“konaba jogador selesaun nasional Lalenok nian ne’ebé mak foin fila husi Singapura mai ne’e hamutuk nain 5, maibé jogador Elias Mesquita mak halo trenu no sira nain 4 seluk seidauk trenu. maibé jogu aban sei tun hotu iha Line up”tenik Gaspar
Nia promete jogu aban sei troka formatu ne’ebé mak foin aplika kontra Karketu no sei uza estratejia foun, tanbá hare ba jogu Ad SLB nia jogador kualitas diak, entaun ha’u mos bele hare jogador diak hodi responde ba SLB nia jogu.
Tanbá hare historia Ad SLB sempre lakon ho Lalenok no impata deit, sei karik Ad SLB mantein ho ida ne’e Ad SLB bele lakon.
Entertantu treinador Ad SLB Efren Jeronimu sei la marka prezensa iha preskonfres, tanbá trenador sei okupa hela ho serbisu seluk.
About Post Author
