Dili-(Desportu XYZ) Sekretáriu Jerál Klube Karketu Dili Fc Elizeo Issac, garantia sei hatun Emmanuel Fc iha jogu daruak Liga Timorense Epoka 2022-2023, enkuantu Asistenti trenador Emmanuel Fc Van Basten rekoñese adversario Karketu hanesan ekipa forte.
Lia hirak ne’e hato husi ekipa rua bá jornalista sira iha konferensia inprensa ne’ebé mak hala’o iha estadiun munisipal Dili segunda (26/02)
“Iha jogu premeru ami senti todan tanba Futebol sempre akontese hodi halo Karketu la ultrapasa nia objetivu,maibé jogu segundu Matak Malirin garantia sei hetan Pontos 3”
Elezeu afirma,trenador no ekipa teknik Karketu halo ona avaliasaun bá jogador sira ne’ebé mak faila iha jogu premeru tanba ne’e jogu segundu ami perparadu ona atu kontra Emmanuel Fc.
Tanba ne’e segundu hakarak lakohi Karketu tenki hetan vitória tanba jogu badak no Klube 8 de’it, entaun jogu sira ne’e bá ami hanesan jogu final.
Sorin seluk, Asistenti trenador Emmanuel Fc Van Basten haktuir,los duni Emmanuel hetan Derota ida iha jogu premeru,maibé hakarak hatete deit kona-ba perparasaun ami Emmanuel estuda ona husi failansu sira ne’ebé mak ami hetan,agora hadia hotu ona.
“Ita hotu hatene Karketu Dili ekipa ida boot no forte tebes tanba ne’e ami konsidera ida ne’e,maibé hanesan ekipa ida Partesipa iha liga Epoka tinan ne’e,ami mós la fuan ki’ik atu kontra Karketu”dehan Van Basten
Ekipa hotu iha hanoin atu sai Kampiaun bá Liga Timorense Epoka ida ne’e,maibé Emmanuel nia tarzetu menimu atu labele tun bá segundu devizaun.(Eug)
About Post Author
