DILI – Kapitaun ekipa segundu divizaun, Fitun Estudanate Lorosa’e Hermelo Pereira hatete la triste ho derota bot 0-12 maibe kontenti ho esprensia barak ne’ebé mak hetan husi Lalenok United iha Tasa 12 Novembro.
“Iha jogu lakon ho eskor boot kontra Lalenok hanesan ekipa ida forte iha Tasa 12 Novembro ami la tristi maibè importante liu mak esperensia barak ne’ebé mak hetan husi Lalenok,” deklara Hermelo ba jornalista iha estadiun munisipal Dili kinta (19/11).
Husi esprensia Fitun Estudante hetan iha Tasa 12 Novembro atu hadia fali ekipa ho diak hodi prepara ba jogu Liga Futebol Timorense.
Nia fó parabens ba Lalenok United ne’ebé mak ultrapasa ona ba oitavu finais no hau agradese ba sira ami bele gaña buat diak balun husi Lalenok.
Ekipa Fitun sei lalakon esperansa ho derota iha Tasa 12 Novembro maibe sei buka fali jogador diak balun atu haforsa Fitun Estudante iha jogu segundu divizaun Liga Timorense ne’ebé mak sei hala’o fali iha tinan oin mai. (Eug).
About Post Author
