Dili-Federasaun Futebol Timor Leste (FFTL) iha tempu badak sei buka rai atu konstrui kampu ba ekipa nasionál Futsal tanba tempu agora ne’e bá kompete la’os Partesipa,entaun prezisa kria kondisaun.
Foin lalais ne’e trenador Ekipa nasionál futsal Jorge Fernandes Áfirma ona katak ita la hatudu rezultadu di’ak iha jogu AFF Futsal Chempion Chip 2022 iha Thailand ne’e tanba Timor Leste seidauk iha Liga no kondisaun kampu.
Tanba ne’e Sekretáriu Jerál FFTL Gregorio Corea hatete,maske ita hetan derota hotu,maibé ita nia progresu di’ak oituan tanba iha tinan ne’e simu golu ladún barak hanesan tinan kotuk liu bá derota ho golu barak,ho ida ne’e ita hetan progresu no ita mós kria ona pra liga.
“Hakarak ka lakohi ba oin ne’e ita hadia teknik,kondisaun kampu ida ne’ebé di’ak tau nune’e ema labele dehan bá Partesipa,maibé ita atu kompete tanba ne’e FFTL sei buka hela fatin bá konstrui kampu refere”dehan Gregorio ba jornalista sira iha nia kna’ar fatin Bairu Grilos sesta foin lalais ne’e.
nia informa,ita hotu hatene iha Timor ekip Futsal joga de’it sementi no iha li’ur no udan mai kona ita,tanba ne’e prezisa duni atu kria kondisaun bá Futsal sira.
“Ema husi AFC,AFF no FIFA prontu apoiu ita, maibé ita problema iha rai,tanba rai agora ne’e governu nian hotu sei rai ne’e ita nian aban no bainrua bele hadia ona kampu,maibé situasaun ida ne’e hakarak lakohi ita tenki halo duni”tenik nia
Sekretáriu Jerál ne’e haktuir,ho kondisaun ne’ebé ita iha,ekipa nasionál sira kontinua trenu i husu ba jogador sira atu desidi iha ekipa futebol 11 dehan kedas atu nune’e bele fokus bá trenu Futsal hodi labele kahur malu.
Iha tinan ida ne’e hakarak ka lakohi ita kria ona liga Futsal atu nune’e bele hetan ona jogador di’ak hodi bá kompete iha eventu internasional hanesan eventu AFF ne’ebé tinan sempre halao.
About Post Author
 iha tempu badak sei buka rai atu konstrui kampu ba ekipa nasionál Futsal tanba tempu agora ne'e bá kompete la'os Partesipa,entaun prezisa kria kondisaun.){kind=link}