Dili-ekipa nasionál Futsal Timor Leste la hatudu rezultadu di’ak iha jogu AFF Futsal Chempion Chip iha Thailan tanba Timor Leste seidauk iha Liga Futsal hodi fó inpaktu bá ita atu kompete ho nasaun ne’ebé mak dezenvolve ona Futsal tinan naruk.
Lia hirak ne’e hato husi trenador ekipa nasionál Futsal Jorge Fernandes ba jornalista sira iha salaun FFTL Xanana Sport Senter Bairu Grilos hafoin jogador no trenador sira fila husi Thailand sesta (08/04).
Jorge katak,molok ita sai husi Timor ha’u ko’alia dehan selesaun ida ne’e atu bá kompete i ami nia misaun ida ne’e ami senti kumpri duni,maske ami lakon mós lakon ho selesaun ida ho nivel internasional ne’ebé A’as.
“Ita lakon ho nasaun sira ne’e tanba ema nian ne’e perpara tinan 30 liu ona no sira iha Liga profesionalismu no mós klube selu jogador sira entaun ema moris ho Futsal,maibé Timor lae tanba jogador maioria estudante no trabalhador”
Nia dehan,ho situasaun sira ne’e ita halo avaliasaun ke ita nia Partesipasaun di’ak oituan tanba iha premeru jogu ema hotu hare ami iha kbiit poder atu kompete hanesan Austrália ita manán premera parte 4-3 maibé lakon iha segunda parte ho eskor 4-7
Selesaun Vietnam ita hotu hatene topic iha Asean,maibé ami luta hodi kompete duni ho sira,maibe ami lakon tanba sira iha perparasaun di’ak liu kompara ho Timor ne’ebé liga Futsal seidauk iha.
“Karik tinan oin mak ita loke liga Futsal profesional iha ona, entaun mekanismu barak ita fó bá jogador sira liu husi klube no Federasaun Futebol Timor Leste (FFTL) atu trenu diadiak ita nia selesaun Futsal di’ak liu tan”
Sorin seluk kapitaun ekipa Futsal José Mata Lopes afirma,ema hotu hatene katak ekipa Futsal derota hotu iha jogu tolu ne’ebé ita hamutuk iha pul ida tanba sira hanesan nasaun ne’ebé mak dezenvolve futebol a’as tebes.
Hanesan kapitaun ha’u senti satisfas oituan ho rezultadu ne’ebe ekipa Futsal hetan iha jogu AFF Futsal 2022 tanba sira iha jogador barak mak joga iha klube Europa,maibé ami hatudu duni esforsu ne’ebé mak durante trenu.
“Ha’u husu ba adeptos sira iha Timor Leste katak ho derota ne’ebé ami iha tanba ita nia kualidade jogu seidauk to sira tanba ekip tolu ne’e nilve a’as iha Asesu.
Entertantu,Timor Leste iha jogu premeru derota kontra Austrália 4-7,jogu segundu 1-7 kontra Vietnam,terseru jogu 3-10 kontra Meanmar.
About Post Author
