DILI – Ekipa segundu divizaun ne’ebé mak promovidu ona ba primeiru devizaun Liga Futebol Timor-Leste Aitana FC planu atu hapara Karketu Dili FC iha grupu C copa FFTL tinan 2020.
Doelu manas liu tan entre ekipa Aitana FC kontra Karketu Dili FC sei akontese iha grupu C copa FFTL ne’ebé mak sei halao iha estadion munisipal Dili kinta (24/09) hodi determina sei los mak hakat ba 8 finais.
Tuir treinador João Souza katak hahu inisio kedas Aitana halo partisipasaun hodi mai tuir Copa FFTL 2020, ami konsidera hanesan pra liga.
“Tanba ne’e ami iha ona planu atu hapara Karketu Dili FC iha jogu aban (24/09/2020) hodi termina votoria Aitana ba oitavu finais”. Promete Joao ba jornalista Desportu.XYZ iha kampu demokrasia kuarta (23/09)
Nia haktuir Aitana nia preparasaun atu hasoru ekipa sese deit inklui Karketu, tanbà ami mos hakarak ultrapasa husi grupu C ba oitavu finais.
Iha jogu aban Aitana kontra Karketu ami sei iha problema ida mak ne’e ami lakon jogador prinsipal nain 9 hafoin pasa husi segundu devizaun ba primeiru divizaun.
Fo hanoin katak iha doelu entre ekipa rua ne’e iha hotu dalan, tanbà Karketu hetan vitoria dala rua no derota dala ida, hela jogu kontra Aitana FC hodi determina dalan ba Matak Malirin iha oitavu finais. (Eug)
About Post Author
