DILI-treinador Ad SLB Efren Jeronimu informa, vitoria kontra DIT Fc ho eskor 4-1 ne’e mai hetan liu husi opurtunidade udan, tanbá ekipa adversario nia jogu monu iha klima udan.
“hau hanoin jogu ohin ne’e tanbá udan i ami uza oportunidade udan ne’e hodi halo golu, tanbá DIT fc mai ho esforsu makas atu buka vitoria iha jogu ohin” dehan Efren ba joranalista iha estadiun munisipal Dili tersa (23/11)
Iha jogu primeiru kontra Aitana Fc, ami fahe pontos no hau promote jogu tuir mai Ad SLB sei hetan vitoria i realidade Ad SLB hetan duni pontos tolu.
Enkuantu kapitaun Ad SLB Nidio Alves hateten, hanesan kapitaun sei esforsu an nafatin atu hatudu jogu saida mak ami atu halo iha kampu laran tuir ritmu ne’ebé mak durante ami trenu.
Nia haktuir, maske ami ho jogador idade ki’ik maibé ekipa sei lalakon esperansa no ami kontinua hatudu jogu hanesan babain Ad SLB hatudu.
Sorin seluk trenador DIT Fc Alexandre Cham reafirma, ohin jogu ne’e hau hanoin ema hotu hatene katak tempu klima udan mak determina fali ami derota iha jogu refere.
Jogu ida ohin ne’e jogador sira inplementa duni Sistema jogu tuir duni estrusaun ne’ebé hau fo,maibé situasaun udan halo Ad SLB aproveita diak hodi halo golu.
“ Razaun ida ohin derota ne’e mai husi udan, tanbá ita hare golu rua iha primeiru ne’e jogador sira suta bola lasai iha be’e lihun halo jogador Ad SLB foti kedas oportunidade hodi hetan golu”
Treinador ne’e promote katak, DIT Fc sei esforsu makas liu tan iha jogu tuir mai atu nune’e labele tun ba segundu devizaun.
About Post Author
