DILI – Avansadu klube futeból Boavista Timor Edit Savio ho Franyatma Kefi sai figura importante hosi jogu datoluk hodi salva ninia ekipa hosi derrota iha kualifikasaun preliminár iha kopa FFTL 2020.
Ekipa Panteiras negra, Boavista Timor iha jogu primeira parte hela ho rezultadu 0-2 hosi ninia adversáriu segunda divizaun Lika Lika Lemorai FC. Golu rua hosi ekipa adversáriu hamosu hosi Miguel bareto iha minutu 1 hafoin kick off.
Lika Lika kontinua haterus Boavista iha minutu 13 primeira parte nian, antes termina jogu 45 minutu, Boavista simu ona golu rua.
Kontinua segunda parte, ekipa ne’ebé oras ne’e treina hosi Mirovaldo Bento ne’e hetan anin fresku iha minutu 61 liu hosi jogadór kamizola 9, edit Savio lakleur de’it Jogadór Boavista Kefi aumenta tan golu daruak iha minutu 62 hodi empate jogu.To segunda parte termina, ekipa ne’ebé na’in hosi Ofisial boot iha F-FDTL Falur Rate Laek ne’e la fó atu boavista halo vitória maibé obriga fahe pontus 1-1.
Lika Lika Lemorai halo jogu dala tolu derrota dala ida hasoru Kablaki FC no empata dala rua, impata dahuluk hasoru emnaule FC, empata daruak hasoru Boavista, rekolla pontu 2 ho golu -1. Enkuantu Bovista halo jogu tolu lakon ida manan ida no empata ida ho bola +1. (Augusto)
About Post Author
