DILI-durante Confederasaun Desportu Timor Leste (CDTL) halo observasaun ba federasaun 7 ne’ebé atu partisipa iha eventu Sea Games tinan ne’e, CDTL indentifika federasaun tolu mak sei sai problema ba fatin treinamentu.
Federasaun tolu ne’e mak hanesan, Federasaun Taekwondo Timor Leste (FTTL), Federasaun Boxing Amadora Timor Leste (FBATL) no Federasaun Karate-do Timor Leste (FEKTIL).
“ohin CDTL convida federasaun 7 ne’ebé atu partisipa iha Sea Games tinan ne’e hodi halo avaliasaun ba preparasaun atleta sira nian, no ami mos informa ba sira katak durante CDTL halo observasaun ne’e identifika fatin treinamentu mak sei problema” relata Macario Sanches ba jornalista sira iha sede CDTL tersa ne’e.
Problema ne’ebé mak federasaun tolu ne’e hasoru, ami halo kedas aprosimasaun ba Sekretario Estadu Juventude no Desportu (SEJD) no parte SEJD aseita hodi autoriza federasaun Karate-do, Boxing no Taekwondo uza fatin genaio GMT hodi halo treinamentu.
Nia haktuir, iha problema seluk ne’ebé CDTL identifika hodi fahe ba federasaun 7 ohin mak atleta sira tenki seguru durante sira nia preparasaun no mos seguru ba sira saude tanbá ne’e ohin ami fahe ona informasaun ba sira atu nune’e atleta sira bele dignu.
“iha problema balun mos CDTL identifika katak, atleta husi federasaun 7 ne’e maioria estudante universetario no secundario, entaun ami informa ba sira atu hatama sira nia naran mai iha CDTL hodi manda ba ensinu superior sira atu nune’e escola sira bele fo autorizasaun ba atleta sira hodi livre atu halo preparasaun” tenik Macario
Informasaun sira ne’e ohin sira hotu konkorda no hau kongratula sira tanbá iha koperasaun diak ba avaliasaun dahuluk.
Intermus ba fasililidade preparasaun nian, federasaun Taekwondo nia fasilidade kompletu iha Tibar, maibé problema asesu ba Tibar sira ho destansia ne’ebé dok, entaun sira labele asesu fatin ne’e ho diak.
“kona-ba perspetiva CDTL nian durante observasaun ba federasaun 7 ne’e, tuir CDTL nia hare diak liu mak federasaun Atletismu tanbá prezidenti Atletismu oferese nia uma ba atleta sira hodi hela atu halo preparasaun”
Sorin seluk reprezenta Federasaun Atletismu Afrianu Amaral afirma, tuir observasaun prezidenti CDTL nian ne’e fo apresiasaun ba federasaun Atletismu tanbá ita bele kria kondisaun ne’ebé mak sufseinte ba atleta sira i laos diak liu, maibé sufseinte netik ba atleta ne’ebé atu partisipa iha eventu Sea Games.
About Post Author
 halo observasaun ba federasaun 7 ne’ebé atu partisipa iha eventu Sea Games tinan ne’e, CDTL indentifika federasaun tolu mak sei sai problema ba fatin treinamentu.){kind=link}