DILI-deritor verikasaun lisensamentu klube Liga Fútebol Timor Leste (LFTL), Jose Carvalho informa, LFTL loke opurtunidade ba klube premeru devizaun no segundu devizaun atu resistu jogador internasional nain 5 ka 6 hodi asigura numeru jogador sira iha klube tanbá inpaktu jogador selesaun nasional nia deslokasaun iha jogu internasional tinan ne’e.
“ami mos iha hanoin tanbá inpaktu husi deslokasaun jogador selesaun nasional nian ba reprezenta TL iha jogu internasional tinan ne’e, entaun fo inpaktu ba numeru jogador hanesan Ad SLB, Karketu no klube seluk tan ne’ebé mak nia jogador barak iha selesaun tanbá ne’e loke opurtunidade ba klube sira atu resistu ba jogador internasional nain 5 ka 6” dehan Jose ba jornalista iha sede LFTL segunda horseik
Tanbá ita hare defikuldade ne’ebé mak tinan hirak liu ba klube sira infrenta i agora mekanismu mak ne’e ba jogador internasional ita tenki adopta tuir sistema ne’ebé lao iha AFC katak,sei karik sira resistu jogador nain 5 ka 6 tenki nain 4 mai husi nasaun CPLP no Afrika no mos tenki mai husi nasaun Asia.
Carvalho haktuir, ita hare ba situasaun iha kompitisaun epoka ida ne’e naruk tebes,entaun klube sira perzisa reforsa nia plantel para bele hasoru kompitisaun ida ne’e.
“kalendario epoka tinan ne’e,ita fiar katak deritor kompitisaun LFTL bele akumula hotu ona hanoin sira ne’e no ami mos ba konfirma ona adjuntu sekretario Jeral Federasaun Fútebol Timor Leste (FFTL) atu hare kalendario jogu internasional saida mak FFTL hasouru iha tinan ida ne’e”
Fo hanoin deit ekipa selesaun nasional Timor Leste sei partesipa iha eventu inernasional Sea Games ne’ebé sei halao iha Hanoi Vietnam iha fulan Maiu tinan ne’e.
Entertantu iha tinan ida ne’e orgaun LFTL simu resistasaun ba jogador premeru devizaun no segundu devizaun hamutuk 27 jogador no sei laliu husi numeru ne’e.
No iha epoka 2022 ne’e LFTL sei uza Estadiun Café Eremra Glenu no Dili hodi halo jogu premeru devizaun, enkuantu segundu devizaun sei halo deit iha Dili.
Klube premeru devizaun ne’ebé mak sei compete iha epoka 2022 hamutuk klube 10 hanesan, Karketu Dili Fc, Ad SLB Laulara, Ponta Leste, Lalenok United, Portu Taibesi, Akademika fc, Atletik Ultramar, Emanuel Fc, Aitana Fc no Assalam Fc.
No klube segundu devizaun hamutuk 9 kompostu husi As Marca,Zebra fc,Boavista Fc Timor, Lica-Lica Lemorai, DIT Fc, Fitun Estudante, Nagardjo no Kablake Fc.
About Post Author
, Jose Carvalho informa, LFTL loke opurtunidade ba klube premeru devizaun no segundu devizaun atu resistu jogador internasional nain 5 ka 6 hodi asigura numeru jogador sira iha klube tanbá inpaktu jogador selesaun nasional nia deslokasaun iha jogu internasional tinan ne’e.){kind=link}