DILI – Ekipa husi DIT FC, lakon fila fali pontu tolu hafoin kontra ekipa Assalam FC ho skor 3-1, iha jogu prelemináriu daruak nian, iha grupu A, ba copa FFTL tinan ne’e.
Assalam hetan oportunidade golu Iha minutu 11, Janito de Carvallo ajuda halo golu liu hosi ling shoot hosi risku sentru hosi jogadór Husen Ramos ne’ebé obriga DIT tenke foti bola iha rede laran hosi lori Assalam lidera 1-0.
Tama iha 20 minutu, Guarda rede Assalam FC, Anrew Mensah halo salvasaun hafoin Assalam hetan presaun liu hosi bola kabesa ne’bé foti hosi tiru kantu.
Assalam hetan golu daruak tan liu hosi kolaborasaun assist hosi jogadór Husen Ramos pasa ba Bonarudin iha grande area laran obriga tan DIT foti bola ba dala rua iha rede laran. Rezultadu ne’e termina primeira parte Assalam lidera jogu 2-0.
Assalam aumenta golu iha minutu 79 liu hosi bola ulun ne’ebé assist crossing hosi jogadór Hasan Ramos hosi liman karuk, obriga tan DIT ba hili bola iha rede laran ba datoluk.
Enkuantu DIT fó resposta hosi golu ida iha minutu 87, jogadór kamizola 22, liu hosi bola barullu. No golu hosi DIT ne termina jogu refere ho vitória pertense ba Assalam 3-1.
Tuir treinadór DIT, Mial Baliebata Armand hateten, nia ekipa derota ho Assalam tanba fallansu iha performa jogadór liña kotun (defeza) tun, tan ne’e ekipa Assalam lidera golu.
“Ami derota tanba ami nia jogadór defeza balun moras, entaun halo distansia husi liña kotuk doók liu husi distánsia liman loos nian, nune’e fó biban ba ekipa Assalam halo ataka maka’as husi ne’eba hodi hatama golu”. Hateten treinadór ne’e iha fatin konferensia imprensa iha stadium Munísipal Dili-Sexta (04/09/2020).
Tan ne’e, treinadór ne’e afirma, maske iha fallansu sira ne’e, maibé nia promete sei iha oportunidade, tanba sei hasoru Zebra FC iha jogu tuir mai.
Enkuantu, treinadór ne’e garante, banhira nia jogadór sira saúde rekupera, sira bele hatudu fila fali rejultadu di’ak, banhira hasoru ekipa sira tuir mai. (Vidal).
About Post Author
