DILI – Faze eliminasaun iha Grupu A sei rame hafoin ekipa RUA Assalam ho DIT fahe rekoilla pontu hanesan no ekipa rua sei hadau malu hodi akompaña ekipa Lalenok United hakat ba oitavu finais.
Assalam susesu rekoilla pontu tolu iha jogu daruak , hafoin antes nee derrota hasoru ekipa kampiaun Liga, Lalaenok United iha jogu abertura.
Iha Jogu hasoru DIT, Sábadu (04/09), Assalam loke ameasa iha minutu 7 maibé guarda Rede Ricardo Nunes halo salvasaun bola ho seguru.
Assalam hetan oportunidade golu Iha minutu 11, Janito de Carvallo ajuda halo golu liu hosi ling shoot hosi risku sentru hosi jogadór Husen Ramos ne’ebé obriga DIT tenke foti bola iha rede laran hosi lori Assalam lidera 1-0.
Tama iha 20 minutu, Guarda rede Assalam FC, Anrew Mensah halo salvasaun hafoin Assalam hetan presaun liu hosi bola kabesa ne’bé foti hosi tiru kantu.
Assalam hetan golu daruak tan liu hosi kolaborasaun assiste hosi jogadór Husen Ramos pasa ba Bonarudin iha grande area laran obriga tan DIT foti bola ba dala rua iha rede laran. Rezultadu ne’e termina primeira parte Assalam lidera jogu 2-0.
Assalam aumenta golu iha minutu 79 liu hosi bola ulun ne’ebé assist crossing hosi jogadór Hasan Ramos hosi liman karuk, obriga tan DIT ba hili bola iha rede laran ba datoluk.
Enkuantu DIT fó resposta hosi golu ida iha minutu 87, jogadór kamizola 22, liu hosi bola barullu. No golu hosi DIT ne termina jogu refere ho vitória pertense ba Assalam 3-1.
Hosi rezultadu ne’e hatuur DIT ho Assalam nafatin hadau malu pontu hodi akompaña lalenok United iha faze pasazen hosi Grupu ba oitavu finais. Ba oras ne’e Asalam ho DIT hala’o hala’o jogu ida rua, manan ida no lakon ida. Total pontu rekoilla 3.
Ba rezultadu ne’e, tuir treinadór Assalam FC, Gaspar Quintão hateten, maski sira hetan fali pontu tolu husi ekipa DIT, maibé sira nafatin esforsu, tanba sei iha jogu tuir mai hasoru mós ekipa seluk iha sira nia grupu.
“Pontu tolu ne’ebé ami hetan ne’e, la signifika katak esforsu hotu ona, maibé nafatin esforsu tanba ekipa seluk seidauk hasoru”. Hateten treinadór ne’e iha fatin konferénsia imprensa stadium Munisipál Dili sesta (05/09/2020).
Nia mós rekoñese, maske sira manan ekipa DIT, maibé nia parte apresia ekipa DIT, tanba joga mós di’ak tebes, antes derota ho sira.
Gaspar mós afirma, sira sei hela jogu rua iha sira nia grupu, tan ne’e ba oin sira sei halo preparasaun di’ak liu tan, atu hasoru ekipa sira ne’e.
Hau hanoin iha ami nia grupu ne’e, ekipa sira seluk mós halo preparasaun maka’as, ne’ebé ami mós tenki prepara àan maka’as atu hasoru sira”. Hakotu nia. (Vidal).
About Post Author
