DILI-Ekipa futeból jigante rai laran, AD SLB Laulara (Makikit Laulara) konsege hasai ekipa delegadu munisípiu Baucau Zebra-FC hosi tasa 12 Novembru, iha estadiun munisipal Dili kuarta (25/11).
Jogu ekipa rua, AD SLB Laulara tun ho uniforme mean riskadu metan ekuantu Zebra FC mai ho uniforme metan-mutin.
Sorte di’ak monu ekipa segundu divizaun Zebra-FC liu husi jogadór Domingos Ribero halo suta bola ho ain los, maibé kona de’it besi rin baliza Ad SLB nian.
Makikit Laulara mos fila responde bola falta ida iha liÑa mutin penalty kotuk liu husi jogador Nidio Alves, maibe bola kona de’it baliza riin Zebra FC.
Iha minutu 35, jogadór Ad SLB Zenivio Mota for a ona rede Zebra fc,wainhira hetan bola cruza husi nia kampañeiru Jhon Freitas, hodi hatur skor ba 1-0.
Golu refere halo Zebra FC tenta atu halo mudansa jogu hodi hamate SLB nia jogu, maibe defisil atu kontrola SLB nia jogu tik tak.
Ho jogu SLB nia ain ba ain halo jogador João Pedro aproveita bola barulio hodi les rede Zebra FC liu husi nia ain karuk ho bola makas halo baliza Belmiru Belo salva defisil salva bola nune’e rezultadu halo skor 2-0 iha minutu 39.
Kontinua ba segunda parte, Trenadór Rogerio Mok lori Zebra FC ne’ebé mak reprezenta munisípiu Baucau halo mundansa jogu hodi troka liña avansadu Domingos Ribero hatama fali Deolindu Peloi.
Mudansa Zebra nia lalori resultadu diak ba ekipa, maibè lori resultadu diak ba ekipa SLB hodi amenta tan golu liu Kornelis Portela iha menutu 71,hafoin simu bola cruza husi Jeremias Batista hodi hatur skor ba 3-0.
Ho eskor sai ba 3-0 halo ekipa historiku Zebra fc nia jogador estamina monu obriga baliza Belmiru Belo tenki hili bola rua iha rede lara husi jogador Mozinho da Lima menutu 83 no Tonitu Belo minutu 88 hodi hatur eskor ba 5-0 to jogu remata. (Eug)
About Post Author
