DILI-klubu Boavista fc Timor pronto atu la partesipa iha Liga Timorense epoka 2021, karik Liga Futebol Timor Leste aplika duni regra balun hodi bandu adeptos tama ba estadiun munisipal Dili.
Relasiona ho moras COVID19 ne’ebé mak mosu iha mundu tomak halo ita nia Governu Timor-Leste aplika Estadu Emerjensia hodi bandu ema labele halibur malu liu nain 10 no aktividade desportu mos tenki paradu.
Kumpri ba regra husi governu nian Liga Futebol Timor Leste foti desizaun hakarak Liga atu kontinua iha tinan ne’e, LFTL planu hodi bandu adeptos atu labele asiste jogu tanba hotu-hotu tenki kumpri ba regras distansiamentu sosial ne’ebe mak governu aplika ona iha ita nia rai.
Ho kestaun sira ne’e halo publiku no klubu sira kestiona maka’as relasiona ho desizaun ne’ebé mak hasai husi LFTL katak adeptos la tama estadiun.
Tanba ne’e jestaun klubu Boavista FC Timor Ezzy Leong hatete karik mak LFTL bandu duni adeptos sira la tama iha estadiun Boavista mantein hodi foti desizaun la partisipa jogu Liga epoka 2021.
“Ami sei kaer metin ba lia fuan husi prezidente AD SLB Kay Rala Xanana Gusmão nian katak sem adeptos não a Futebol, laiha adeptos jogu sei laiha, relata Ezzy ba jornalista iha nia kna’ar fatin Bidau tersa (26/01).
Nia subliña futebol iha nasaun ne’ebé deit kuandu laiha adeptos jogu sei lao, tanba iha Timor klubu barak mak gastu bo’ot liu ba jogador liu fali premiu do jogu.
Ita hare klubu barak nia investimentu maka’as ba kualker jogu ida, tanba hare ba animasaun adeptos sira nia wainhira asisti jogu hodi apoiu ba ida idak nia klubu.
Problema ida mos mak ne’e kuandu adeptos la asisti jogu, patrosinadaor sira hakarak promove produtu ruma iha ropa mak adeptos laiha hanesan deit Patrosinador sira la koi, nia dehan.
Liga labele hare fali regra iha nasaun seluk nian hodi bandu adepotos hotu labele tama ba kampu, maibe ita nia Liga la hanesan ho nasaun seluk tanba iha ema nia nasaun laiha adeptos maibe premiu de jogu bo’ot, dehan nia.
Ezzy affirm Liga bele halo tia live streaming husi Televião mos Boavista sei la partesipa tanba ema barak seidauk asesu ba media sosial.
Tan ne’e liga Futebol Timor-Leste karik bele muda fali orariu jogu liga nian hodi hein Estadu Emerjensia la’o normal fali jogu bele la’o, duke bandu adepotos atu asisti jogu. (Eug)
About Post Author
