Dili – Kapitaun Boavista Fc de Timor, alias “Panteras Negras”, Nelson Sarmento afirma, sira foti liu tan, tanba klubu rekruta tan jogadór foun barak.
Daudaun ne’e jogadór AD-SLB Laulara kuaze lubuk ida mak reforsa tan Boavista, liu husi jornáda janela tranferensia époka tinan ne’e.
Tanba tuir kapitaun Boavista Nelson katak, Mouzinho hanesan jogadór avansadu kualidade di’ak, husi AD-SLB, Jhon Frith, Bakayoka, Yohanesa husi Lalenok United Fc, Riky hanesan Baliza husi DIT, Armindo Lazio husi Portu Taibesi, no sira seluk tan ne’e halo Boavista forte liu tan.
“Hanesan kapitaun iha klubu, hare rekrutamentu jogadór foun sira ne’e, iha esperansa bot, Boavista sei hetan rejultadu di’ak”. Deklara kapitaun Boavista ne’e, hafoin remata treinamentu iha kampu Demokrasia FFTL, segunda (25/01/2021).
Nia promete, iha kompetisaun alta, liga Futeból Timor Leste iha époka tinan 2021, sira hatudu rejultadu oin seluk, diferensa ho rejultadu sira liu ba, hanesan copa FFTL no taxa 12 Novembru 2020.
Nelson hanesan mós eis jogadór husi Karketu Fc, hafoin Timor Leste hamosu Liga Futeból Amodora iha tinan hirak liu ba, nune’e to’o ohin loron nafatin mantein nia kontratu husi Boavista. (Vidal).
About Post Author
