DILI – Avansadu ho istilu joga ain karuk husi klubu Boavista fc de Timor Frangcyatma Alves Ima Kefi hetan kontaktu husi Vice Prezidente Aitana fc João Samantha iha loron 19 fulan Outubro 2021 hodi hamutuk ho nia kompañeiro Edit Savio atu reforsa Aitana iha jogu primeira devizaun Liga Fútebol Timor Leste (LFTL) époka 2021.
Antes ne’e klubu Boavista fc de Timor hatama karta resignasaun ba daruak iha LFTL hodi retira husi kompetisaun temporada tinan ne’e, tanba ne’e LFTL foti desizaun ba klubu refere hodi fo oportunidade ba klubu primeira devizaun sira atu rekruta fali jogador husi Boavista.
Ho desizaun husi LFTL halo klubu primeira devizaun rua hanesan Karketu Dili fc rekruta ona defeza Boavista Anggisu Barbossa, no Aitana fc rekruta avansadu edit Savio.
Tuir Kefy katak, sim hetan duni kontaktu husi Vice Prezidente Aitana fc hodi husu ha’u atu reforsa Aitana fc iha jogu temporada tinan ne’e, maibé ha’u seidauk foti desizaun sei wainhira sira sediauk hasoru manajer Boavista dehan Kefy ba desportu xyz liu husi via Whatsapp kuarta (20/10)
Nia reforsa, ba ha’u labele foti desizaun ne’ebé mak ha’u nia klubu lahatene, tanba ha’u asina ona ho Boavista no Aitana hakarak tenki ba hasoru lai manajer Boavista.
Sei karik mak klubu rua konkorda ba malu, ha’u prontu joga hamutuk ho Aitanan fc iha tinan ne’e, maibé tinan oin mai fila fali ba Boavista iha jogu segundu devizaun karik desizaun sei hanesan ne’e.
“Ami jogador sira simu informasaun husi estrutura klubu Boavista katak imi jogador sira kalma lai no labele ansi, tanba ami sei resolve hela ho Federasaun Fútebol Timor Leste (FFTL)”dehan Kefy
Hanesan jogador ida iha Boavista ha’u labele tuir kolega sira nia hakarak ne’ebé mak halai ona ba klubu seluk tanba desizaun husi klubu seidauk fo ita ba klubu seluk.
About Post Author
