DILI – Jogador hamtutuk 22 husi Boavista FC Timor sei hetan salariu kada fulan $350.00,maibe saláriu ne’e seidauk konta ho bonus ne’ebé kada jogu klubu enterga ba jogador sira.
Fo hanoin katak epoka primeiru iha Liga Futebol Amadora (LFA) hahu’u to’o mai iha epoka da lima 2021 Liga Futebol Timor Leste (LFTL) klubu primeira divizaun sira sempre halo kontratu ho jogador lokal no estranjeru husi klubu ida ba klubu ida.
Maibe klubu hirak ne’ebé mak halo kontratu ba jogador sira durante ne’e seidauk bele fo sai saláriu kada jogador sira nian ba publika hotu atu hatene tanba klubu tau ida ne’e hanesan segredu.
Tuir Jestor klubu Boavista FC Timor Ezzy Leong hatete estandar ne’ebé mak Federasaun Futebol Timor Leste (FFTL) no Liga Futebol Timor Leste fo sai $ 250 maibe Boavista fo saláriu kada fulan $350 ba jogador hotu.
“Total jogador Boavista nia hamutuk 22, kompostu husi estranjeiru nain tolu no lokal 19, maibe Bovista sei kompleta jogador to’o 28” relata Ezzy ba jornalista iha nia kna’ar fatin Bidau Tersa (26/01).
Nia hateten saláriu $350 ne’e seidauk tama ba bonus hanesan kuandu jogu manan sei hetan bonus $50 no lakon hetan deit $20.
Maibe klubu mos iha konkordansia ho jogador sira bainhira lori Boavista sai Quatric iha tinan ne’e hanesan Liga Timorense, Taca 12 Novembro, Super Taca, no Copa FFTL osan no premiu ne’e sei entrega ba jogador ida sei hetan $6,000 no klubu sei la hetan premiu do jogu ha’at ne’ebé mak jogador sira nia esforsu. (Eug)
About Post Author
