Dili – Ekipa Atlétiku Ultramar Fc, ne’ebé hala’o ona nia jogu ikus kontra ekipa adversáriu Fitun Estudante Lorosa’e Fc (FIEL), tan ne’e tenki rekolla fali pontu tolu husi ekipa adversáriu ho skor 2-1.
Jogu entre ekipa rua iha stadium Munísipal Dili-Domingu (27/09/2020), ne’ebé hetan lideradu jogu husi árbitru Eufragio da Costa Silva, maibé Ultramar tenki sofre uluk golu ba ekipa adversáriu iha minutu ‘5’, liu husi jogadór númeru 93, ho naran Abrão Sarmento, ne’ebé suta bola dok husi liña 16 ekipa adversáriu nian hodi rejulta golu hodi muda skor 1-0.
Jogu kontinua la’o, entre ekipa rua, maibé obrigadu, Fiel tenki simu nafatin golu, tanba halo bola falta, hasoru Ultramar besik iha liña 16, tanba ne’e jogadór ho naran Filipe Ribeiro, ne’ebé uza kamizola numeru 3 hodi pasa bola ba jogadór Abrão husi parte liman karuk, nune’e hodi krosing bola ba jogadór númeru kamizola 10, ho naran João Xavier, suta bola tama rede ekipa adversáriu nian, iha minutu ’19’, hodi muda skor 2-0, to’o jogu primera parte remata.
Tanba ne’e, tuir treinadór Atlétiku Ultramar Francisco de Araújo hateten, ho vitória ne’ebé sira hetan agradese tebes ba nia jogadór sira, tanba bele lori nia ekipa sai husi presaun durante ne’e sira hasoru, tanba sira simu derota dala rua no empata dala ida.
“Hau kontente, maske jogu hirak ami lakon no derota, tanba jogu ikus ami bele hatudu ba públku ho rejultadu di’ak”. Hateten Francisco.
Tanba ne’e, Francisco deklara, nia nafatin motiva jogadór sira, maske defísil hakat ba oitavu finais, importante diknidade klubu nian labele monu.
Enkuantu, treinadór ne’e mós rekoñese, durante ne’e sira falla, tanba iha jogadór foun barak mak hodi haforsa hela sira nia ekipa, tanba ne’e presiza hadi’a tátiku jogadór sira nian diak liu tan.
Nune’e mós nia parte indentifika nia ekipa falla mós iha liña klaran, nune’e hodi derota no halo empata entre ekipa sira ne’ebé durante ne’e hala’o jogu.
Tanba ne’e, jogu ikus kontra ekipa adversáriu FIEL, nia parte hodi muda estratéjia jogu parte liña klaran, nune’e hetan duni rejultadu di’ak ho skor 2-1.
Ekipa Atlétiku Ultramar, daudaun ne’e hela ho pontu haat, iha grupu B, tanba derota dala rua, empata dala ida no ikus manan ida. (Vidal).
About Post Author
