Dili-(Desportu XYZ) Klube AD SLB Laulara asina kontratu ho jogador estranjeiru Michel Jules Hutabarat husi nasaun França iha Janela transferensia Epoka 2022-2023
Ho jogador husi França ne’e klube Ad SLB rejistu ona jogador estranjeiru nain tolu hodi kompete iha Liga Timorense epoka 2022-2023.
“Ami asina ona kontratu ho jogador estranjeiru ida husi França Michel Jules Hutabarat ho pozisaun Avansadu ne’ebé sei hamutuk ho jogador estranjeiru Baka ho Andrew hodi reforsa SLB atu kompete iha Liga tinan ne’e”, sekretariu jeral AD SLB Laulara Domingos Caeiro ba Desportu XYZ liu husi Via Whatsap sabadu ne’e.
Caeiru haktuir, jogador hamutuk 24 inklui estranjeiru nain tolu ne’e hetan ona kontratu,maibe kalendariu ba kompetisaun ne’e fulan rua deit maibe sira nia jogador sira halo kontratu ba fulan tolu.
Michel Jules Hutabarat antes ne’e joga iha klube GSC Geelong Soccer Clube iha Australia no jogador estranjeiru rua seluk ne’e tinan hirak liu ba reforsa hela ekipa.
Nia sublina, jogador 24 ne’e AD SLB Laulara nia esperansa ba kompetisaun tinan ne’e hases an husi degradasaun no bele sai kampiaun iha kompetisaun ne’e.
Entertantu, jogador Gumario (Aguma) antes ne’e reforsa Klube Lalenok United,maibé tinan ida ne’e jogador refere fila fali ba hamutuk ho nia klube antigu Ad SLB.
About Post Author
