DILI-(Desportu XYZ) ohin Klube premeru devizaun Fc Portu Taibesi bá resistu ona sira nia jogador hamutuk 27 inklui jogador estranjeiru na’in tolu iha orgaun Liga Futebol Timor Leste LFTL hodi kompete iha Liga Timorense epoka 2022-2023.
Manajemen Klube Fc Portu Taibesi Charles Guterres afirma,ohin husi Klube Fc Portu Taibesi mai resistu ona jogador hamutuk 27 iha orgaun LFTL.
“Husi jogador 27 ne’e inklui ho jogador estranjeiru na’in tolu tanba ami perzisa Avansadu,Medu atakante no dezveza karuk”dehan Manejemen Charles bá jornalista iha Estadiun Munisipal Dili sesta (03/01)
Nia haktuir, jogador estranjeiru na’in tolu antes ne’e joga iha liga segundu devizaun Indonézia,maibé liga paradu hela entaun klube Portu Taibesi foti opurtunidade hodi kontratu sira mai joga iha Timor.
“Sira na’in tolu iha posiblidade sei to’o iha Timor iha loron domingu semana ida ne’e hodi trenu hamutuk ho Portu Taibesi”dehan nia
Ita ko’alia kona-ba jogador lokal, maioria jogador husi Portu Taibesi,maibé ami aumenta tan jogador husi liga premeru devizaun hamutuk nain lima hanesan Adany no guarda rede selesaun nasionál Sub 19 nain rua Juvensu no Abobo.
Manajemen Klube Fc Portu Taibesi sublina,ho matéria jogador ne’ebé mak ami iha,Portu Taibesi nia tarzetu hakarak mantein iha premeru devizaun.
Entertantu,klube ne’ebé mak resistu ona iha LFTL hamutuk klube 11 hanesan,Coracao,Ponta Leste,Assalam Fc,Portu Taibesi, Akademia, Lica-Lica Lemorai,Kablake Fc,DIT Fc,Fitun Estudante, Nagardjo Fc,Karketu Dili Fc.
About Post Author
