Dili-(Desportu XYZ) ohin Jogador Ario Melio Ximenes ho Norbertu Olivio da Costa ho trenador nain ida Aranka ona bá Brazil hodi halo trenu ho klube ida naran Idyona iha Sao Paulo durante tinan ida.
“Ami senti kontenti tanba bele hetan opurtunidade bá tuir formasaun iha Brazil tinan ida”afirma jogador Ario ho Norbertu bá jornalista sira, hofoin halo despedida ho Sekretáriu Estadu Juventude no Desportu SEJD iha salaun magna SEJD segunda (06/02)
Nia haktuir, mensajen ne’ebé mak ohin Sekretáriu Estadu Juventude no Desportu fó ne’e,ami sei aplika iha nasaun Brazil.
Fatin seluk SEJD Abrao Saldanha informa, ohin ita halo despedida ho jogador na’in ne’ebé mak atu bá treinu iha klube ida iha Brazil naran Idiona iha Sidade Sao Paulo tanba sira observa ita nia jogador nain rua ne’e joga di’ak tebes, entantu sira hakarak lori sira bá treinu iha ne’ebá.
“Ho ida ne’e ita esforsu ho Embaixada Brazil iha ne’e ho Embaixada ita nian iha Brazil, ita konsege lori sira nain rua bá treinu iha ne’ebá”
Governante ne’e sublina, esperansa ne’ebé mak governu iha,ita fiar sira nain rua bele hatudu performe di’ak atu nune’e bele loke dalan bá jogador sira seluk aban bainrua bele sai bá nasaun seluk.
Kona-ba orsamentu, governu apoiu 16 Mil bá jogador nain rua no trenador nain ida nia viajen tanba iha Brazil klube mak responsabel hotu.
Reprezentante familia Joao da Costa Akresenta,ami senti haksolok tanba foin premeru ves bá Istória Baucau, ita nia governu bele lori ami nia oan bele bá treinu iha Brazil.
Hanesan familia ami husu bá sira nain rua atu bele trenu ho di’ak,hodi nune’e loke fali dalan bá sira seluk atu tuir sira nia ain fatin.
Entertantu,j ogador nain rua ne’e mai husi sentru Juvenil Munisípiu Baucau.
Ohin Jogador Ario Ho Norbertu Aranka Ona Bá Brazil
About Post Author
