DILI- (Desportu XYZ) Treinador Klubu As Ponta Leste, Lorenso da Costa, hatete, As Ponta Leste sei kompete iha liga Timorense ho jogador lokal deit, maibe sei la hakfodak ho ekipa adversariu sira seluk Ne’ebé mak sei priense ho jogador estranjeiru.
“Klube As Ponta Leste nia preparasaun ne’e masimu ona hafoin SEJD, FFTL no LFTL fo sa’i informasaun atu realiza Liga iha fulan Fevreiru Ponta Leste sa’i ekipa dahuluk ne’ebe mak hala’o preparasaun” informa treinador Ponta Leste bá jornalista iha kampu demokrásia tersa (07/02)
Nia konta, ami Ponta Leste agora ne’e sei ba ho jogador lokal jogador estranjeiru seidauk iha.
Romoris ne’ebé mak ekipa sira seluk hosi Primera divizaun hahu halo rekrutamentu ba jogador estranjeiru sira ne’e Treinador ne’e afirma sira la hakfodak no habitua ona ho jogador lokal.
“Ekipa Ponta Leste ladun hakfodak tanba ami habitua ona ho ami no ami fo konfiansa ba ami nia jogador lokal sira no la ragu ho klubu sira ne’ebe mai ho sira nia jogador estranjeiru sira” tenik nia.
Nia dahan, Dadaun ne’e AS Ponta Leste iha jogador hamutuk na’in 23.
As Ponta Leste rasik rejistu ona jogador iha LFTL hodi kompete iha liga Timorense epoka 2022-2023.
Tuir Kalendariu Liga Timorense sei abertura iha loron 17 fulan Fevreiru iha Estadion munisipal Dili.
About Post Author
![Pinterest](https://pinterest.com/pin/create/button/?url=https://desportu.xyz/ho-jogador-lokal-ponta-leste-sei-la-hakfodak-ekipa-seluk-iha-liga-epoka-2022-2023/&media=https://desportu.xyz/wp-content/uploads/2023/02/AS_Ponta_Leste_logo.png&description="Ekipa Ponta Leste ladun hakfodak tanba ami habitua ona ho ami no ami fo konfiansa ba ami nia jogador lokal sira no la ragu ho klubu sira ne'ebe mai ho sira nia jogador estranjeiru sira” tenik nia.){kind=link}