DILI-Klube AD S.L.B Laulara iha ona planu sei foti jogador estranjeru na’in 2 husi Nasaun Brazil hodi reforsa Makikit iha jogu primeiru divizaun Liga Fútebol Timor Leste epoka 2022.
Antes ne’e Federasaun Fútebol Timor Leste (FFTL) loke ona janela transferensia ba jogador internasional iha loron 10 fulan Fevereiru no remata iha loron 10 fulan Marsu, enkuantu janela transferensia ba jogador lokal LFTL loke ona iha loron 21 fulan Fevreiru no remata iha loron 21 fulan Marsu tinan ne’e.
Maibé orgaun LFTL mos fo opurtunidade ba klubu sira atu rekruta jogador estranjeiru bele to na’in 6 hodi asegura kalendariu jogu internasional ne’ebé mak ita nia jogador selesaun nasional sira sei hasoru tinan ne’e.
Tanbá ne’e Sekretariu Jeral AD S.L.B. Domingos Cairo hatete, klube AD SLB tenta buka tan jogador estranjeiru na’in 2 tanbá ami nia baliza iha ona entaun tenki iha jogador estranjeiru balun atu motiva jogador lokal sira.
“planu klube SLB nian atu rekruta jogador estranjeiru na’in 2 ne’e mak husi nasaun Brazil no ida avansadu ida mediu atakante” relata Domingos Cairo ba jornalista iha edefisiu LFTL tersa foin lalais ne’e.
klube SLB la mukit jogador maibe presiza iha atensaun atu anima jogu ne’e di’ak liu tan tanbá ita presiza ema iha esperensia jogador selesaun nasional nian atu nune’e ita bele fiar sira nia esperensia barak maibe tenke iha jogador estranjeiru atu motiva sira
nia mos kestiona, antes ne’e orgaun LFTL loke ona janela transferensia ba klube sira atu rejistu jogador, maibe to’o agora klube futebol sira seidauk hetan karta ruma husi LFTL tanbá tuir lolos orgaun liga normalmente tenke haruka lai karta ba klube antes semana ida.
tanba jogu epoka ne’e maka’as tebes, orgaun liga preparadu halo liga profesional, sira prepara regra rigorozu ba jogador sira depois klube mos oferese jogador ba selesaun nasional.
“ami presiza duni jogador estranjeiru atu reforsa tan ami nia ekipa, tanba epoka primeiru ne’e ami sai kampiaun hanesan bandeja de’it, maibe situasaun mak hanesan ne’e, SLB nafatin iha ambisaun, la’os atu sai kampiuan ba epoka tinan ne’e, maibé mais ou menus labele degrada ba primeiru divizaun”, hatete nia.
Domingos esklarese, klube hotu buka jogador husi estranjeiru mai jogu iha LFTL, tanbá ne’e ami fiar katak orgaun liga sei organiza epoka tinan ne’e di’ak liu tan.
sekretariu jeral SLB ne’e afirma, sira sei bolu jogador Bakayoko, maibe desizaun husi treinador bainhira nia atu mai fali, maibé vise-prezidente koalia ona ho treinador hodi bolu fali jogador Bakayoko tuir jogu primeiru divizaun ba epoka tinan ne’e.
About Post Author
