Dili-Órgaun Federasaun Futeból Timor Leste (FFTL) hahú loke odamatan ba klube sira atu bele lori jogadór estranjeiru sira mai Timor Leste, hodi haforsa sira nia ekipa ba kompetisaun Liga Timorense époka tinan ne’e.
Iha entrevista sekretáriu jerál FFTL Frederico Martins mós informa, antes ne’e FFTL loke ona janela tranferénsia ba jogadór estranjeiru sira hahú husi loron 10 fulan Febreiru no sei remata iha loron 10 fula Marsu tinan ne’e.
Sekretáriu jerál ne’e reforsa tan, sira halo ona konsultasaun ho órgaun Liga Timorense nian, relasional ho janela tranferénsia jogadór lokál sira. Tanba antes ne’e mós, órgaun Liga Timorense anúnsia ona kalendáriu transferénsia jogadór lokál sira, iha época dahuluk tinan ne’e.
“Ami sei hare kona-bá tranferénsia jogadór lokál nian, ne’ebé mak órgaun Liga sira loke ne’e mak iha pedidu ruma husi klube balun husu hakarak lori jogadór estranjeiru balun mai hodi haforsa sira nia ekipa, ami mós sei estende tan loron tranferénsia jogadór estranjeiru sira nian”. Hateten Frederico ba jornalista sira iha FFTL, Bairo dos Crilos-Dili, Tersa (01/03).
Nia hatutan, to’o oras ne’e sira seidauk simu pedidu ruma kona-ba halo tranferénsia jogadór estranjeiru nian mai Timor-Leste.
Ho estrutura foun ne’ebé foin iha, sei tenta para halo komunikasaun ida di’ak, nune’e oráriu kompetisaun liga ne’e labele hala’o de’it iha époka 2022, maibé nia tenki iha nia kontinuasaun ba époka 2023-2025, nune’e klube sira bele preparado. Dehan Frederico.
Nia esplika, tuir kalendáriu FIFA no AF nian, sira nia kalendáriu ba kompetisaun ne’e ba tinan lima nian, tanba ne’e iha TL mós tenki halo kalendáriu ida fiksu ho relasaun jogu internasionál sira, nune’e bele hafasíl ita, oinsa bele halo kompetisaun domestika sira bele la’o ho di’ak. (Desportu.Xyz).
About Post Author
 hahú loke odamatan ba klube sira atu bele lori jogadór estranjeiru sira mai Timor Leste, hodi haforsa sira nia ekipa ba kompetisaun Liga Timorense époka tinan ne’e.){kind=link}