DILI-(Desportu XYZ) Prezidenti Asosiasaun Futebol Munisípiu Manufahi Arao Noe,afirma orsamentu 1.500 ne’ebé mak Federaasaun Futebol Timor Leste FFTL apoiu bá kada Asosiasaun Munisípiu sira atu realiza eventu FFTL-TELECONCEL Cup Sub 17 ne’e la sufisiente.
“Asosiasaun Manufahi mai resistu ona klube 10 hodi Partesipa iha eventu FFTL-Telekoncel Cup sub17,maibé ami nia lamentasaun no preokupasaun mak finansas ho de’it 1.500″tenik prezidenti AFM bá jornalista sira iha Xanana Sport Center tersa feira ne’e
Arao haktuir, Asosiasaun Futebol Manufahi mai resistu ona klube 10 i ohin iha verikasaun klube 10 ne’e liu no laiha problema no agora ami hein de’it ona oreintasaun teknika hodi realiza jogu ne’e iha tempu badak.
“Ha’u apresia bá FFTL tanba eventu FFTL Telekoncel Cup ne’e atu hare no fihir jogador sira bá futuru”
Responde kona-ba preokupasaun orsamentu 1.500 la sufisiente bá Asosiasaun sira atu realiza jogu refere.
Prezidenti FFTL Fransisco Jeronimu,hateten orsamentu 1.500 FFTL apoiu bá kada Asosiasaun ne’e atu realiza jogu aporamentu munisipal hodi hare klube ne’ebé mak di’ak hodi mai kompete nivel rejionál no Nasionál.
“Orsamentu ne’ebé mak ami fó bá ne’e ami sukat tia ona,maibé orsamentu ne’e dehan la sufisiente entaun subsidu ne’ebé mak hetan fulan-fulan ne’e sira bele uza i depois mak sira halo justifikasaun”
Entertantu,jogu FFTL-Telekoncel Cup Sub 17 sei hala’o iha loron 17 fulan Juñu tinan ne’e.
No jogu ne’e rasik sei halao iha kada Asosiasaun sira iha Munisípiu,no jogu nia lalaok hanesan jogu aporamentu iha Asosiasaun ida-idak nian, depois klube ne’ebé mak hetan vensedor sei bá hala’o iha jogu Rejionál no klube ne’ebé mak hetan vensedor iha rejionál foin mak mai hala’o jogu iha nasionál.
About Post Author
