DILI-(Desportu XYZ) Federasaun Futebol Timor Leste FFTL apoiu orsamentu hamutuk 1.500 bá kada Asosiasaun Munisípiu sira hodi realiza eventu FFTL-Teleconcel Cup 2023 bá jogador Sub 17 iha fulan Juñu tinan ne’e.
Iha eventu FFTL- Telekoncel Cup tinan ne’e Partesipa de’it husi Asosiasaun 11 hanesan, Ermera,RAEOA,Liquisa, Manatutu,Manufahi,Aileu,Bobonaro,Baucau, Viqueque,Dili Weste no Covalima no Asosiasaun tolu ne’e mak lakoi Partesipa hanesan Asosiasaun Dili Leste,Lautém no Ainaro.
Prezidenti FFTL Fransisco Jeronimu, haktuir ita nia koperasaun ho Telekoncel ne’e ita hamosu tia ona iha tinan rua liu bá,maibé tinan rua tui tuir malu ita la halo tanba Covid.
“No iha tinan 2022 ita aprosima bá malu no ohin ita konsege realiza fali jogu FFTL Telekoncel Cup bá jogador Sub 17 tanba Asosiasaun sira kada Munisípiu hetan apoiu husi FFTL ho montante $ 1.500″afirma prezidenti FFTL bá jornalista iha teknikal metin ne’e mak hala’o iha Xanana Sport Center tersa (23/05)
Nia hateten, Kompitisaun ida ne’e bá de’it jogador ho idade 17 tanba atividade ne’e permanente la’o tinan-tinan no jogu sira iha Nivel Internasionál ne’e ita labele bá ho jogador antigu sira,maibé ita perzisa jogador foun mai husi Munisípiu sira.
“Ha’u hakarak agradese bá Asosiasaun sira tanba loke ona resistasaun bá klube sira iha Nivel munisipal no agora dadaun jogador sira nia naran tama ona iha FFTL no ami atualiza ona bá dadus FIFA nian” nia esplika
Atividade ne’e Asosiasaun tolu mak lakoi Partesipa,maibé ami la’o de’it ho Asosiasaun 11 ne’ebé mak resistu ona.
Entertantu,Kompitisaun FFTL Telekoncel Cup ne’e Asosiasaun kada Munisípiu mak organiza hanesan,premeru hahú la’o uluk iha nivel Asosiasaun no sei mak premeru lugar iha nivel Asosiasaun klube ne’e mak sei mai kompete iha nivel rejionál no depois klube ne’e mak sai premeru lugar no segundu lugar iha nivel rejionál mak foin mai kompete iha nasionál
Enkuantu,klube sira ne’ebé mak kada Asosiasaun mai resistu iha FFTL hodi tuir eventu FFTL- Telekoncel Cup 2023 mak hanesan, Asosiasaun Dili Weste klube 6, Manatutu klube 8,Oecusi klube 6, Bobonaru klube 12,Baucau klube 10,Aileu 11, Liquica klube 12, Manufahi klube 10, Ermera klube 10, Covalima 14 no Viqueque 12.
No kompetisaun ne’e sei realiza iha fulan Juñu 2023 no Kompitisaun refere FFTL sei fó bá Asosiasaun kada Munisípiu tenki halao jogu ho durasaun loron 21 ka semana tolu de’it.
About Post Author
