DILI-(Desportu XYZ) Sekretáriu Estadu Juventude no Desportu (SEJD) liu husi Komisaun Regulador Arte Marsiais (KRAM) iha loron 13 fulan Abril tinan ne’e halo lansamentu Fundus 2.5 Miloes bá organizasaun Arte Marsiais hamutuk 17.
Organizasaun Arte Marsiais hamutuk 17 mak hanesan,PSHT,IKS,KORK,THS THM,SINAR PUTIH,WUSHU,KARATE-DO,JUDU,TAIKWONDO,SERULING DEWATA,SHORINJI KEMPU,BOXIN,MUA THAY,PERSAYA DERY SILAT TIMOR-LESTE,FESTIL,PADJADJARAN,AIKIDO.
Tuir prezidenti KRAM Fernando da Costa haktuir,seromoni ida ohin ne’e iha buat rua mak inportante hanesan ida seremonia lansamentu Fundu bá organizasaun Arte Marsiais no segundu mak deklarasaun dame bá eleisaun nian
“Ida Fundu bá Arte Marsiais sira ne’e,antes ne’e ita halo ona avaliasaun bá proposta no audensia inkontru ho arte Marsiais ida-idak konklui ona,entaun ita lansa serominia senbolika ida hodi hatudu bá públiku”relata Fernando bá jornalista sira iha Genajio Dili kinta (13/04)
Nia informa,osan ne’e iha buat importante lima bá organizasaun Arte Marsiais mak hanesan,rensiamentu bá sira membru, formasaun bá membru no Trenador, Kompitisaun no bá sira nia sede.
“Segundu mak deklarasaun bá dame eleisaun tanba kada eleisaun sempre problema iha Arte Marsiais”
Tanba iha eleisaun membru Arte Marsiais sempre iha afailiasaun bá A ka Ba hodi mosu provokasaun,entaun ita hakarak apela bá katak violensia sei redus iha eleisaun tinan ne’e.
Prezidenti KRAM ne’e sublina liu tan, organizasaun Arte Marsiais sira ne’e mak hetan fundu refere prense hotu rekezitu,maibé falta buat ki’ikoan sira ne’e de’it mak perzisa sira prense.
Kona-ba Partesipa iha Games ita hare Taikwondo mak sempre partesipa hela de’it tanba sira iha perparasaun.
“Agora organizasaun Tolu hanesan PSHT, KORK no IKS seidauk hetan oportunidade,entaun ho apoiu orsamentu ne’ebé mak ita iha,sira mós bele halo perparasaun atu partesipa iha Sea Game tinan rua mai”
Nia konta, orsamentu 2.5 Miloes ne’e ita sei atribui uluk 40% no 60% ikus tuir rekezitu governu nian.
Sorin seluk SEJD Abrao Saldanha hateten,wainhira ita ko’alia kona-ba dezenvolvementu desportiva ita tenki apoiu no labele hatudu liman de’it.
“Ohin to’o duni iha ne’e oinsá maka ita apoiu malu ho membru organizasaun Arte Marsiais sira hodi bele sai modalidade ida ne’ebé mak di’ak”
Governante ne’e esplika,orsamentu nia objetivu governu apoiu ne’e atu kontrola sira nia membru sira hodi sai trenador no mestre di’ak atu bele trenu Timor oan sira sai di’ak liu tan.
Entretantu fundu dezenvolvimentu governu apoiu ba organizasaun arte marsial 17 durante tinan haat mak federasaun boxing hetan 143, 700 USD, federasaun muay-Thai simu 111, 300 USD, federasaun taekwondo simu 134,600 USD, federasaun karate-Do simu 134, 000 USD, federasaun shorinji kempo hetan 96, 900 USD, Aikido simu 90,500 USD, federasaun wushu simu 96,800 USD, federasaun judo 79,300 USD, IKS PTL simu 335, 467 USD, PSHT hetan 335, 467 USD, KORK simu 335, 4,67 USD, Seruling Dewata simu 87, 700 USD, Perisai Diri simu 87,300 USD, Padjadjaran simu 94,100 USD, THS-THM Gerbawasik 90,900 USD, Sinar Putih simu 88,400 USD, Federasaun Silat Timor-Leste simu 169, 100 USD.
About Post Author
