Dili-Vicenti Carvalho reiletu sai nafatin prezidente Federasaun Hartefelismu Cultura Pezo Timor Leste (FHACUPTIL) to’o Periudu 2022-2026 liu husi pakote uniku kongresu extra ordenario bá dala rua ne’ebé Hala’o iha salaun CONTL sabadu (23 07)
Estrutura husi FHACUPTIL bá tinan ne’e mak hanesan, Vice prezidenti primeiru António Cafin Soares, vice segundu Joao Henrique de Deus, Sekretáriu jerál Laurentinu Guterres no Tezoreiru Saturnina da Silva Fernandes.
Prezidenti FHACUPTIL Vicente Carvalho informa,ami iha planu lobuk ida ne’ebé agora la’o hela hanesan kursu bá trenador,maibe planu sira ne’e ita tempu laiha bá atu hare, entaun husik trenador mak lorloron mak hare atleta sira ne’e.
“Entaun ha’u iha Planu ida tenki buka atleta ida bá trenu iha rai liur, ho esforsu hotu ita konsege hetan atleta ida naran José Balenti atu bá tuir formasaun iha Thailand durante tinan rua” dehan Vicente bá jornalista iha salaun CONTL
Tuir nia katak,iha planu ida tan mak agora dadauk ita esforsu hela atu kria Asosiasaun sira bá to’o Munisípiu sira hotu tanba Federasaun internasionál kontinua fó apoiu ,entaun ita perzisa kria Asosiasaun barak.
“Agora ita iha Asosiasaun hamutuk 8 mak hanesan, Aileu, Ermera, Manufahi, Bobonaru, Liquisa, Baucau, Ataúru no Mantautu”
Nia hatutan, kona-ba fatin trenamentu bá atleta sira ne’e, fatin patromonio estadu nian entaun ita labele loke luan tanba ne’e kompetensia governu nian.
Iha tinan ida ne’e ita seidauk iha planu atu realiza kampionatu nasionál tanba ita tama tia ona bá fulan fahe rua, entaun planu ne’e muda bá fali bá tinan oin iha fulan Janeiru.
Tanba iha tinan kotuk ita seidauk livre ho Covid tanba ita foin mak livre iha tinan ida ne’e.
Entertantu, Federasaun Hartefelismu Cultura Pezo Timor leste hahú iha 2000, no realiza kongresu extra ordenario bá dala rua.
About Post Author
