Dili-lider historiku Kay Rala Xanana Gusmao Loke Abertura jogu futsal ho naran Taca Xanana 2022 iha kampu futsal Bebora Sabadu (23/07)
jogu Taca Xanana 2022 ho nia tema ho Desportu mai ita hamutuk hametin,esperitu Nasionálismu Patriotismu no Unidade Nasionál hodi hateke bá futuru di’ak liu bá ita no bá Timor oan tomak.
Tuir Kay Rala Xanana Gusmao katak, durante tinan rua mosu Covid halo buat hotu paradu, liuliu kampionatu nasionál no Desportu hotu Adia.
“Ho ida ne’e ha’u kontente mai hare imi prátika Desportu futsal tanba Desportu sempre forma ita atu halibur ita” dehan líder historiku ne’e iha abertura jogu Futsal Taca Xanana iha Bebora Sabadu ne’e.
Nia hateten, Desportu halibur ita di’ak tebes tanba ita mai joga koñese malu, tan ne’e iha joga nia laran lalika tebe malu,maibé hakuak malu hametin unidade no hanoin bá ita nia rai no mós hanoin bá imi nia futuru.
“Parabens bá ekipa sira hotu no mós bá suku hotu bele mai halibur iha jogu ida ne’e”
Líder historiku ne’e husu bot bá ekipa sira mai Partesipa iha jogu hodi hatudu katak ita mós bele no buat sira ne’e tenki la’o.
Jogu futsal hanesan meus ida atu halo ezersisio bá imi nia A’an no mós bá imi nia kakutak no neon.
Aleinde ne’e mós nia konta, jogu ho ida naran Taca Xanana ne’e la’os ho intensaun buat seluk,maibé uluk ha’u mós tebes bola tanba ne’e mak FIFA mós tau edefiso iha Bairu Grilos ne’eba naran Xanana Sport Senter.
Entertantu, jogu refere atu komemora 30 de Agostu konsulta populár bá dala 23.
Jogu ne’e rasik Partesipa husi Klube 64, kompostu husi mane 32 no feto 32, enkuantu jogu ne’e sei termina iha loron 30 fulan Agostu tinan ne’e.
About Post Author
