DILI-(Desportu XYZ) klube Relay Laleia Ne’ebé mak mai husi Munisípiu Manatutu realiza Kompitisaun Taxa Xanana Cup tinan ne’e hanesan prezidente ida bá líder nasionál Kay Rala Xanana Gusamao nia Aniversario bá 77.
Prezidente Komisaun Organizador ,Feliciano Perpétua Ximenes informa, Realiza Taxa Rotativa Xanana Cup udan ne’e ho objetivu mak selebrasaun aniversariu Lideransa Nasional Kay Rala Xanana Gusmão ba dala 77.
“Objetivu hirak ne’e mak fanun ami nia pensamentu hodi realiza Kompetisaun ne e hanesan prezente ida ba Lideransa Nasional Kay Rala Xanana Gusmão iha nia aniversariu ba dala 77,tanba tempu to’o ona atu ami Laleia oan dignifika naran ida ne’e”dehan nia ba Jornalista sira iha abertura kompetisaun Taxa Xanana Cup ne’ebé mak realiza iha Stadion Munisipal Dili, domingu (23/07)
tanba iha kedas tempu rezistensia joven barak mak see hirus matan hodi defende naran ne’e, tanba ne’e mak hanesan Laleia oan hakarak dignifika naran ne’e liu husi loke eventu ne’e.
Nia haktuir, kompetisaun ne’e mós la loke bá kualker klubu, maibé prioridade de’it bá klubu hirak ne’ebé sai ona vensedor iha nivel Munisipiu, ne’e total klubu hamutuk 28, la inklui Aileu, Covalima, Bobonaru no mos Atauru, Munisipiu 4 ne’e mak la tama tanba difikuldade transporte.
“Ha’u husu bá parte governu liu husi Ministeriu Juventude Arte no Kultura no Federasaun Futebol Timor Leste, atu tau matan mos ba eventu ida ne’e tanba eventu ne’e sei realiza anualmente”nia sublina
Patrosinador prinsipal bá Kompetisaun Taxa Xanana Cup ne’e mak hanesan Grand Dragon Lotaria, BNCTL no mos Mandiri.
Komputisaun refere Partesipa husi Klubu 28 ne’e mak mai husi,Relasi laleia FC, Abalai Nubers, Tokodede Fc, Maumeta Fc, Animisme Fc, Uniao Fortaleza, Ablai Reslaun, Uaituli, Makikit, Akademia Hera, Likisa, UEP, FECT, Unbafo, Boca Junior, Nova Estrela, Laloran, Bobocase, 17 Abril, Naval, Coach Eleven, Nature, Uma Rentau, Naimeco,Bitaba, Wisel, Warikoan, Sebuki.
Entertantu,iha serimonia abertura ba kompetisaun Xanana Cup tinan ne’e partisipa husi Lideransa Nasional Kay Rala Xanana Gusmão, Ministru Juventude Desportu Arte no Kultura, Sekretariu Jeral Federasaun Futebol Timor Leste, inklui patrosinador no mos jogadores, ofisial klubu 28 inklui adeptus futebol.(ekipa Desportu XYZ)
About Post Author
