Dili-ekipa Bebora FC sei kontra ekipa Sakana Dalan Klot Fc iha jogu abertura Taca Xanana 2022 ne’ebé sei hala’o iha kampu futsal Bebora iha loron 23 fulan Jullu tinan ne’e.
Objetivu husi jogu ne’e atu komemora 30 de Agostu konsulta populár ba dala 23 iha tinan ida ne’e.
No mós husi jogu Taca Xanana ne’e atu hamosu jogador foun bá futuru oin mai.
Prezidenti komisaun organizadora Leandro de Sena deklara,ohin ita kompleta ona klube ne’ebé mai resistu hodi tuir jogu Taca Xanana 2022 hamutuk 64,kube feto 32 no mane 32.
“Ohin klube sira dada ona rifa no aban sira mai foti ona horariu do jogu no ekipa ne’ebé mak sei joga premeru iha abertura ne’e mak ekipa Bebora kontra Sakana Dalan Klot Fc” dehan Sena bá jornalista iha sede CNRT Bairu Grilos kinta (21/07)
Nia informa,jogu ne’e hahu iha loron 23 fulan Jullu no sei termina iha loron 30 fulan Agostu tinan ne’e.
“Kona-ba premeu ami perpara bá ekipa premeru lugar to’o kuartu lugar,maibé sei iha posiblidsde ami sei perpara bá premeu bá melhor markador”
Nia komenta,jogu Taca Xananan ne’e realiza bá dala rua iha kampu Real Madríd ho jogu deferente tanba kampu bot,maibé tinan ne’e ami realiza fali futsal.
Entertantu,ekipa ne’ebé mak ohin dada rifa bá jogu Taca Xanana 2022 mak hanesan,ekipa mane kompostu husi Bebora FC, Sakana Fc, Adoremos, As Becora Fc, Ascovi Fc, Audian Fc, Blok F Fc, Bonkar Fc, Calvario Fc, Sam Kirus, Sto Francisco Fc no Tankae Fc.
Enkuantu,ekipa feto kompostu husi,Ausiladora Fc,Bebora FC,Bairu da Paz tasi tolu Fc,Biologia Fc, Boston Fc,Bonkar Fc,Carlvario Fc,Kampu Alor Fc,Kuluhun Sentru Fc,Crocodilu Fc,Fajov Fc,Familia MRH Fc,GBL Fc,Grisinfor Fc,Heroi Timor Fc,Kamea Fc,Laviola Fc, Lahane Fc, Licedere United, Lucifer Grils, Madohi Fc, MBX Team, Maporu, Mundu Perdidu, Nuber’s, Relai Laleia Fc, Sao Minguel No SFK Fc.
About Post Author
