[Desportu Timor-Leste]-Ekipa futeból feto jigante SLB-Laulara mezmu manan FC akadémika iha jornada datoluk Liga futeból Feto 2020, maibé hasai kosar lotuk.
Reportajen hosi Kampu haree, Iha jogu ne’ebé hala’o iha kampu demokrasia tuku hitu dadeer ne’e, FC akadémika hatudu jogu furak hodi trava SLB laulara iha primeira parte ho rezultadu 0-0.
Rezultadu ne’e mai hosi tátika akadémika nian ne’ebé la husik livre jogadór SLB. Kaer metin jogadór Xave iha SLB halo ekipa jigante ne’e book an ladi’ak.
Jogadór SLB ne’ebé famozu ho jogu bonita I gosta domina bola halo kedok no sutu kruza (crossing) ladún mosu barak iha jogu ne’e. Basá Akadémika taka metin jogadór sentrál SLB nian. No sempre la husik longra kualkér jogadór SLB iha momentu hetan bola.
FC akadémika ne’ebé treina hosi Fernando Xavier, eis treinadór FC akadémika iha Liga Futeból Amadora edisaun daruak nian iha 2017 halo kontrolu maka’as ba ninia jogadór sira atu kumpre tátika hodi hamate jogadór figura sira hosi SLB.
Maibé tama iha segunda parte ekipa rua mantein prinsípiu jogu hosi SLB halo atake no hosi Akadémika halo defensivu no soe bola ba li’ur (out) maka barak, ho asaun hosi akadémika ne’e SLB ladún halo presaun ne’ebé maka fó risku.
Mezmu hasoru difikuldade boot, ikusmai SLB hetan duni vitória iha minutu 15 ikus hosi hamosu golu rua. Golu rua ne’e mosu tanba ida guarda rede maka ladún kontrola bola bainhira simu ona, no kois hosi liman hodi tama ne’ebé kauza hosi sutu maka’as.
Golu segundu kauza hosi stamina ne’ebé provoka liña kotuk ladún halo defensivu forte maka’as ikus hetan presaun atake no hamosu golu ho fasil no ensera jogu ho rezultadu 0-2.
Golu rua hosi SLB hamosu hosi jogadór Julia Belo iha minutu 72, golu ne’e Julia aproveita bola muta hosi guarda rede akadémika ne’ebé la konsege salva metin bola no hodi monu seidauk to rai Julia haksoit ba oin hodi hasoru nu dudu bola tama ba rede.
Golu daruak hamosu hosi Elvira Silva ne’ebé okupa ina iha area risku no hetan pasajen bola bain ba bain 1-1 dudu hosi liña sentrál to oin nune’e simu oferta hodi prodús golu daruak nian ne’e.(*)
About Post Author
