[Desportu Timor-Leste]-Mezmu manan no okupa nivel as klasifikasaun liga feto Timor-Leste 2020 iha jornada datoluk, ekipa jigante SLB Laulara ladún atrai kapitaun rasik.
Situasaun ne’e bele nota iha jogu remata kapitaun SLB la dun hamnasa no hatudu iis boot hafoin jogu remata tanba gasta forsa maka’as durante jogu.
“Individual mai ha’u nu’udar kapitaun, ‘Ladún’ kontente tanba fó rezultadu 2-0,” deklara Kapitaun SLB-Laulara, Vanesa Filomena D. Fernandes hafoin ninia ekipa manan Akadémika 2-0.
Mezmu nune’e nia rekoñese golu 2-0 rezultadu hosi sira nia esforsu durante minutu 80. “Ba oin ami sei hadi’a di’ak liu tan atu nune’e ba oin bele di’ak,” afirma kapitaun ne’e.
Kapitaun ne’e iha ambisaun atu ninia ekipa primeiru klasifikasaun hanesan uluk.
Golu rua hosi SLB hamosu hosi jogadór Julia Belo iha minutu 72, golu ne’e Julia aproveita bola muta hosi guarda rede akadémika ne’ebé la konsege salva metin bola no hodi monu seidauk to rai Julia haksoit ba oin hodi hasoru nu dudu bola tama ba rede.
Golu daruak hamosu hosi Elvira Silva ne’ebé okupa ina iha area risku no hetan pasajen bola bain ba bain 1-1 dudu hosi liña sentrál to oin nune’e simu oferta hodi prodús golu daruak nian ne’e.(*)
About Post Author
