DILI – Ekipa Zebra FC mezmu tuun ona ba segunda divizaun liga amadora maibé sei nafatin hatudu jogu furak iha jogu kontra Lalenok United iha kualifikasaun preliminár iha Grupu A kopa FFTL 2020.
Jogu primeira parte hafoin Árbitru hú apitu ba minutu dahuluk kick off, ekipa rua kontrola bola no lansa atake ba malu, loke dahuluk ameasa hosi lalenok United, iha minutu 8 akontese fouls besik grande area Zebra nian.
Daniel Adade ne’ebé sai ezekutadór la hamosu sutu ameasa tanba free kick indireta ne’e satan hosi lutu Zebra nian.
Enkuantu Zebra mezmu la hamosu sutu on target maibé sempre halo kontra atake no falla iha passing ho crossing accuracy iha area risku Lalenok United nian. Iha minutu 8 jogadór hosi Gana, Eis jogadór Zebra nian iha Liga Amadora edisaun 2016, Daniel Adade loke golu dahuluk iha jogu ne’e.
Lalenok kontinua aumenta golu iha minutu 20 liu hosi jogadór kamizola 9, Tiago Xavier ho biban bola kontra atake lais hodi lidera jogu 2-0. Maibé Zebra la nonok kontinua baidnas hadau no atake ba oin, iha minutu 34 hatudu duni realidade Zebra hamosu sira nia golu dahuluk iha kopa ne’e rezultadu refere lori termina primeira parte 1-2.
Haree iha presaun hosi zebra iha jogu parte dahuluk, Tama fali segunda parte treinadór Simon Elissetche foti desizaun troka kedas jogadór hanesan akontese iha minutu 48, jogadór Paulo Gally tama hodi troka fali jogadór Tiago Xavier.
Ho prezensa Paulo gally , mezmu halo atake no loke bola barak seidauk hamosu golu ruma, Simon substitui tan jogadór rezerva, hatama fali Allan Manzo hodi troka Daniel Adade iha minutu 57, tuir kedas substitui tan Paulo Freitas ho Elias Mesquita.
Ho prezensa jogadór na’i tolu ne’e hatudu rezultadu diak ba ekipa Lalenok United, ho hakalma observasaun treinadór Simon iha area téknika. No iha duni rezultadu basa akontese golu tolu, Hermenio Souza iha minutu 61, no jogadór Elias ne’ebé tama iha segunda parte oferese golu rua iha minutu 66 no minutu 83 hodi lori Lalenok manan ho golu 5-1.(augusto)
About Post Author
