Dili-vizita Trofeu Copa mundiál mai Timor Leste sei to’o iha Airuportu internasionál Nicolau Lobato iha loron 11 fulan Juñu 2022, tuku 09:00 dader
Trofeu kopa mundiál to’o TL sei vizita Palásiu Prezidensiál no simu husi Prezidenti Repúblika José Ramos Horta no Prezidenti rasik sei hato nia deskursu
Hafoin remata iha Palásiu Prezidensiál,Trofeu Copa mundiál ne’e sei mai vizita iha estadiun munisipal Dili atu nune’e povo TL bele asiste dereita.
Iha mós konferensia inprensa durante 15 menutus ne’ebé hala’o husi lejendariu Futebol no hanesan embasador FIFA nian Christian Lali Karembeu.
Remata konferensia,Trofeu no bainaka sira husi FIFA no Coca-Cola sei bá kedas estadiun munisipal Dili hodi demontra Trofeu ba komunidade sira,no Christian Carembeu sei kaer Trofeu no lori besik bá espetador sira iha estadiun.
no Carembeu mós sei demostra nia ablidade Futebol hamutuk ho ekipa Junior TL nian iha eventu ne’e.
Iha estadiun sei iha mós hasai fotografia ho Trofeu husi ema sira ne’ebé hetan tikete ka bellite.
Trofeu ne’e sei la Autoriza ema atu kaer, Uniku Prezidenti Repúblika mak bele kaer Trofeu refere.
Tuir prezidenti FFTL Francisco Jeronimu afirma, kona-ba perparasaun atu simu Trofeu refere atinji ona 80%
“Trofeu ne’e to’o iha TL, FFTL mak sei bá simu hodi mai iha Palásiu Prezidensiál no mós iha estadiun”dehan Francisco bá jornalista iha sede FFTL kuarta ne’e.
Nia haktuir,tuir regra husi FIFA nian katak,ema labele besik liu mak hare no tenki dok mak bele hare.
Enkuantu,orsamentu perparasaun bá simu Trofeu ne’e mai husi Sekretáriu Estadu Juventude no Desportu ((SEJD) no Federasaun Futebol Timor Leste (FFTL) hamutuk 40.000.
About Post Author
